Jairrapen zabala egingo die aurten ere EITBk sanferminei. ETB, Radio Euskadi, Euskadi Irraita eta eitb.com-en tarte zabala emango zaie jaiei.

ETB-1en txupinazoari eskainitako tartea 11:30ean hasiko Julian Iantzi eta Ilaski Serranoren eskutik.

Halaber, urtean zehar Nafarroan bakarrik ikusten den "Navarra Directo" saioa ETBko ikus-entzule guztientzat izango da ikusgai uztailaren 6tik 14ra bitartean. Aurten Maite Lusek gidatutako albistegiak San Fermin jaien berri emango du luze eta zabal; ekitaldi nagusiak, protagonistekin elkarrizketak eta jai giroa ikus-entzuleei helaraziko die egunero ordu erdi iraungo duen tartean. Ainhoa Irazusta, Ekain Pagola, Alex Pascual, Itziar Benede eta Aitor Perezek jaietako istoriorik berezienak bilduko dituzte. Astelehenetik ostiralera 13:30ean izango da ikusgai eta asteburuetan 14:30etatik aurrera, ETB-2n.

Ikus-entzuleek gainera, jaietako argazkiak bidali ahal izango dituzte navarradirecto@eitb.com-era. Iaz oiartzun handia izan zuen ekimenak eta aurten ere argazkirik onena topatzen saiatuko da lan-taldea.

Ostiraleko "Bi Errepidean" saioko Alex Sardui eta Urko Aristi ere zapi gorria jantzi eta sanferminetako bi alderdi kurioso jorratuko dituzte.

Horrez gain, Nafarroako Lau t''erdiko pilota txapelketak eta San Fermin Txapleketako partidurik onenak ere ikusgai izango dira ETB-1en.

Pobre de Mi ekitaldiarekin amaituko da jaia. ETB-1en izango da ikusgai, Maite Eskarmendi eta Agustin Ezenarroren eskutik.

Radio Euskadi eta Euskadi Irratia

Sanferminak ere leku garrantzitsua izango dute Euskadi Irratian:astelehenean Txupinazoa eskainiko da zuzenean eta entzierro guztiak ere zuzenean jarraitu ahal izango dira. Egunean zehar hainbat leiho zabalduko ditu Euskadi Irratiak festaren berri emateko. Iñaki Elortza, Eli Eraso eta Edurne Ayuso izangod ira bertatik zuzenean.

Radio Euskadik ere beste horrenbeste egingo du. Kaleko giroa jasotzeko gune garrantzitsuenetan izango dira. Txupinazoarekin hasiz, 11:45etatik 13:00etara egongo dira uztailaren 6an. Seminario Etxetik, Udaletxetik, Gazteluleku elkartetik eta Avvocato Pentito jatetxetik, udaletxeko enparantzan emango dute berri. Jatetxean, Radio Euskadiko sei entzulek ''''Chupinazo 2009" saioan hartuko dute parte. San Fermin-eko eskalerako egunetan ospatu den zozketa bereziko irabazleak izango dira entzule hauek.

Uztailaren 7tik 14ra entzierroak zuzenean emango ditu Radio Euskadik. Halaber, Boulevard-eko azken ordua egunero, 12:00etatik 13:00etara Bilbo eta Iruñetik izango da eta egun guztian zehar jaietan murgilduta egongo den lan-talde zabalarekin zuzenean egongo dira.

eitb.com

San Fermin jaien hasierarekin bat eginez, eitb.com-ek webgune berri bat jarri du martxan. Txupinazoa eta "Pobre de Mí" jendetsuak on line ikusteko aukera eskainiko du webguneak. Horretaz gain, bideo ikusgarrienak, entzunezko erreportajeak, argazkiak, albisteak, entzierroen xehetasunak ezagutzera ematen dituen infografia eta joko dibertigarri bat aurkitu ditzakezu.&' || 'nbsp;