Estropadak eta pilota eskainiko ditu ETB-1ek ostegun honetan. 17:25etik, Kontxako Badiatik zuzenean, Donostiako Banderaren gizonezkoen sailkatze saioa izango da ikusgai, eitb.com-en ere. Mikel Olazabalek, Jose Luis Erkizia Baserri-k eta Juanan Legorburuk egingo dute kontakizuna.

Gaueko hamarretan Lekeitioko San Antolin jaietan barruan antolatutako torneoko bi partida eskainiko dira Xabier Euzkitze eta Josean Tolosaren eskutik: aurrena Arretxe II-Mendizabal II eta Idoate-Beroiz bikoteen arteko norgehiagoka eta ondoren Berasaluze VIII-Zubieta, Bengoetxea VI.aren eta Apraizen aurka.