10 urte betetzen ditu Elhuyarrek ETBrako egiten duen “Teknopolis” zientzia eta teknología dibulgazio saioak. Gaur jai bereziarekin ospatuko du programak urtemuga. Halaber, ETB-3n hamar urteko errepasoa egiten duen saioa eskainiko da.

Maider Egüesek zuzentzen eta aurkezten du egun “Teknopolis”, baina aurretik, Pilar Kaltzada, Alfontso Mujika, Oier Araolaza eta Beñar Kortabarria izan ziren saioaren zuzendari. Aurkezle berriz, Pilar Kaltzadarekin jarri zen abian programa eta ondoren, Nerea Pikabea kazetaria eta Aitziber Agirre biokimikaria ere aritu ziren gidari lanetan. Horien atzean, beti, lan-talde zabal batek egin du posible saioa gauzatzea, kazetari, zientzilari eta teknikoen artean hamar urte hauetan.

Denbora epe horretan ere gizarteak aldaketa handia eman du. “Teknopolis” saioa horren isla izan da eta horrelaxe erakutsiko dute saio berezian. 1999tik 2008ra egindako ibilbidean, urte bakoitzeko erreportaje bat aukeratuko dute eta gai hori gaur egun nola dagoen erakutsiko dute.

Klonazioa, Ekain:, aerosorgailuak, hegaldi parabolikoak, ITER, atunen markaketa, sateliteak, CiC Biogune, hegaztien Gripea Santa Maria de Garoña eta Klimaren Aldaketa dira hamar urte hauetako errepasorako aukeratutako gaiak.

Horrez gainera, zientzia eta etorkizunari buruzko galderak egingo dizkiete lau adituri: Jesus Ugalde, kimikariari Enrique Zuazua eta Angeles Iztueta, matematikariei eta Itziar Laka, hizkuntzalariari.“Teknpolis”en historiaren errepasoa egingo du saioak. Erredaktoreei elkarrizketak egingo dizkiete, anekdotak kontatuko dituzte. Halaber, lehengo teknologia oraingoarekin alderatuko dute eta orduko irudiak egungoekin

Eneko Atxa sukaldariaren aurkezpena “Teknopolis”en jaian

Hamargarren urtemuga ospatzeko, gaur Bilboko EITBko egoitzan jaia izango dute “Teknopolis” zaleek. Bertan Ana Agirre Industria sailburuak, Juan Diego EITBko Estrategia Taldeko zuzendariak, Jose Mari Rodríguez Ibabe Elhuyar Fundazioko presidenteak eta Maider Egues saioaren egungo zuzendari eta aurkezleak parte hartuko dute.

Etorkizuna izango da ekitaldiaren ildo nagusia. “Teknopolis”ek hamar urte hauetan etorkizuna hurbiltzeko egin duen ahalegina ere ikusiko dugu irudietan. Ildo futurista horretatik, Eneko Atxa sukaldariak aurkezpena egingo du jai horretan. Atxak aromak erauzteko eta erabiltzeko prestatu duen teknika berria aurkeztuko du.&' || 'nbsp;

“Teknopolis” hamar urte zientzia eta teknologia gaiak era erakargarrian zabaltzen

Hamar urte hauetan bilakaera izan du saioak forma eta eduki aldetik baina beti oinarria bera izan da: zientzia eta teknologia gaiak modu zehatz eta erakargarrian erakustea. Ibilbide honetan, sari garrantzitsuak ere izan ditu saioak Robotiker saria eskuratu zuen 2002an eta Teknalia, Rikardo Arregi eta Eki sariak 2006. urtean.

Urte hauetan bidelagun izan dituen erakunde eta enpresen babesak berebiziko garrantzia izan dute “Teknopolis” saioa egiteko.&' || 'nbsp;

“Teknopolis”en lehen emanaldia asteazkenetan da ETB-3n 21:30ean eta ondoren igandeetan ematen da: ETB-2n 11:05ean eta ETB-1en 20:00etan.&' || 'nbsp;