telebista

30 euskal herritarrek Antonio Basagoiti PPko lehendakarigaia zuzenean galdekatzeko aukera izan dute ETB-2ko ‘Euskadi Pregunta’ saioren bigarren edizioan. Hona hemen Basagoitik erantzun behar izan dituen 30 galderak:

1. Estibaliz Losa (Sopelana, 34 urte, langabea)
- Ba al dakizu ama ezkongabe batek zenbateko laguntza jasotzen duen eta laguntza hori eskatzen duenetik jaso arte zenbat denbora igarotzen den?

2. Yolanda Adán (Portugalete, 51 urte, administrazio-langilea)
- Zein da zure iritzia ikastetxeetan neskak eta mutilak banatuta jartzearen alde egiten duen hezkuntza ereduaren harira?

3. Iñaki Ramos (Ermua, 54 urte, langabea)
- Herri honetan langabeziarekin amaitzeko gai izango zarela uste al duzu?

4. Mikel Ortiz de Etxebarria (Bilbao, 50 urte, irakaslea)
- Euskal herritarren gehiengoak independentziaren alde egingo balu, Konstituzioaren 8. artikulua aplikatu eta tankeak bidaliko zenituzke?

5. Rosa Maria Villarroel (Barakaldo, 35 urte, administrazio-langilea)
- Lehendakaritza eskuratuz gero, euskal eskola publikoan ‘tupper’-a erabiltzea ezarriko al duzu?

6. Manuela Perez (Bilbao, 50 urte, irakaslea)
- Egungo politikari guztiak beharrezkoak al dira? Noizko lan erregulaziorako espedientea politikagintzan?

7. Jose Maria Ruiz (Bilbao, 58 urte, ingeniaria )
- Jaurlaritzaren egonkortasunak eskatuko balu, EH Bildurekin akordioetara helduko zinateke?

8. Miguel Martinez de Toda (Bilbao, 45 urte, ingeniari teknikoa )
- Ze hizkuntza eredutan daude matrikulatuta zure seme-alabak? Zein da zure iritzia eredu hirueledunari buruz?

9. Alba Garcia (Bilbao, 24 urte, gizarte-langilea)
- Basagoiti jauna, diru gehiago dutenek zerga altuagoak ordaindu beharko dituzte?

10. Chastelino Esono (Gasteiz, 33 urte, kaleko garbitzailea)
- Patxi Lopez zurekiko desleiala izan dela uste duzu? Azken finean, zuei esker agindu du, baina inoiz ez duzue harreman on bat irudia eman.

11. Naiara Valdes (Gasteiz, 27 urte, zuzendaritza idazkaria)
- Lana bilatzerakoan aukera gehiago ematen dituen ingelesaren antzeko beste hizkuntza batzuk kaltetuz, euskara bultzatzen jarraitzeko asmoa duzu?

12. Alicia Etxebarria (Gasteiz, 63 urte, erretiratua)
- EAJk euskal administrazioa bere ‘txiringito’ bilakatu duela nabarmendu duzu. Adibide bat jar dezakezu? Eta horrela bada, zer egingo duzu egoera konpontzeko?

13. Paloma Martinez (Donostia, 67 urte, irakasle erretiratua)
- Basagoiti jauna, sistema autonomikoaren erreforma konstituzionala egin, Araba, Bizkaia eta Gipuzkoako foru autonomikoak ezarri eta Legebiltzarra eta Eusko Jaurlaritza desegiteko prest al zaude?

14. Estibaliz Martinez de Lezea (Portugalete, 35 urte, ekonomialaria)
- Abortuaren Legearen dagokionez ze neurri hartu diren azaltzea gustatuko litzaidake. Ze iritzi duzu lege horren inguruan?

15. Arkaitz Irastorza (Errenteria, 32 urte, langabea)
- Badirudi Euskal Herrian bakea lortzeko bidean gaudela. Alabaina, murrizketek, kaleratzeek, langabezia-tasa altuak eta oinarrizko eskubide sozialen urraketek beste indarkeria mota bat eragin dezaketela uste al duzu?

16. Ana Franco (Donostia, 38 urte, larrialdi zerbitzuetako teknikaria)
- Egin diren murrizketak kontuan hartuta, kulturaren arloa izango da kaltetuenetako bat eta orain ikuskizun batera joan ahal izateko gehiago ordaindu beharko da. Opera batera joateko ohiko sarrera batek zenbat balio duen esan al diezadakezu?

17. Alfonso Bravo (Bilbao, 41 urte, marketineko irakaslea)
- EAEtik kanpo bizi diren euskal herritarrek hemengo hauteskundeetan bozkatzeko aukeraren alde egin duzue. Baina, hori ez al da hautesleen sektore bati abantaila ematea?

18. Tania Sanchez (Bilbao, 22 urte, ikaslea)
- Basagoiti jauna, krisiak eragiten al zaitu? Horrela bada, nola?

19. Idoia Ranea (Gasteiz, 47 urte, administrazio-langilea)
- Boterea eskuratuko bazenu, ze neurri hartuko zenituzke gizartea krisitik ateratzeko? Rajoyk hartutako berberak, hau da, murrizketak? Edo Euskadik neurri ezberdinak behar dituela uste duzu?

20. David de Miguel (Donostia, 19 urte, ikaslea)
- Rajoyren Gobernuak % 26ko murrizketa egin du Ikerkuntza, Berrikuntza eta Garapenerako aurrekontuan, teknologiaren garapenari eta kalitatezko ekonomia eraginkorra izateko apustua albo batera utzita. Bitartean, Elizak, iraganeko apustua bada ere, % 1eko murrizketa izan du. Zer diozu horren aurrean?

21. Maria Carmen Balboa (Tolosa, 60 urte, etxeko andrea)
- Herri honetako gazte gero eta gehiago atzerrira joan behar dira lana izateko eta gazte atzerritar gero eta gehiago dago hemen lanean. Hau guztia ez al da kontraesan bat?

22. Sardo Irisarri (Eibar, 49 urte, aktorea)
- Espainiako Alderdi Popularrak dio ez dagoela beste aukerarik herritarrek soilik pairatzen dituzten murrizketak ezartzea baino. Iruzur fiskala eta politikariek egindako gehiegizko gastuak eta eraginkorrak ez diren erakundeak, berriz, ez dituzte aipatu ere egiten. Zuk ere gauza bera pentsatzen duzu?

23. Oliver Gómez (Gasteiz, 37 urte, garraiolaria)
- Duela urte gutxira arte, euskal herritar askok beste herrialde batzuetara joan behar izan zuten, tartean Hegoamerikara, etorkizuna bilatzeko. Demagun, zuk eta zure familiak Kolonbiara joatera behartuta zaudetela, justua irudituko litzaizuke zure seme-alabei osasun-asistentzia ukatzea herrialde hartako paperak ez dituztelako?

24. Carmen Alonso (Bilbao, 57 urte, funtzio publikoko langilea)
- Ekonomiaren ikuspuntutik, independentzia txarra al da Euskadirentzat?

25. Mari Cruz Ruiz (Irun, 58 urte, garbitzailea)
- Basagoiti jauna, lehendakari izango bazina eta agindutako promesak beteko ez bazenitu, karguari uko egingo al zenioke?

26. Francisca Santos (Bilbao, 67 urte, erretiratua)
- Demagun, urriaren 22an lehendakaria zarela eta Garañoa desegin behar dela. Herritarren segurtasuna bermatzea izango litzateke zure lehentasuna? Garraioaren arriskua ikertuko al zenuke? Eta garraioa nondik egingo litzateke?

27. Lehior Bilbao (Donostia, 28 urte, graduondoko ikaslea)
- Basagoiti jauna, zer esan nahi du edo zuk zer ulertzen duzu “pentsatzeko askatasuna” esatean?

28. Miguel Angel Ruiz (Gasteiz, 46 urte, gizarte langilea)
- PP alderdi oso liberala da ekonomia gaietan, baina dibortzioa, abortua, homosexualitatea edo familia bezalako gaietan kontserbadoreagoa da. Antonio Basagoitik ze iritzi du horren inguruan? Zein da zure jarrera Alderdi Popularraren baitan, kontuan hartuta PPko kide batzuk gai horietan aurrerakoiagoak direla.

29. Galder Hernando (Bilbao, 19 urte, ikaslea)
- Basagoiti jauna, presoen egoerak bost axola dizula esan zenuen. Jarrera bera mantentzen al duzu?

30. Sergio Barreiro (Ibarra, 42 urte, langabea)
- Legegintzaldi honetan herritarrek ekimen bat aurkeztu zuten hondakinek birziklatzearen aldekoa eta errausketaren aurkakoa, salbuespeneko kasuetan izan ezik. Europako Parlamentuak egindako eskariak hobetzen dituen Hondakinen Legea berreskuratzeko prest egongo zinatekete?