telebista

Urriaren 21eko hauteskunde autonomikoei lotutako lehen eztabaida eskainiko da ETB-2n, Radio Euskadin eta eitb.com-en, gaueko 22:15ean, Estibaliz Ruiz de Azuak gidatuta. Honako hautagaiek hartuko dute parte: Andoni Ortuzar (EAJ/PNV), Isabel Celaa (PSE-EE), Arantza Quiroga (PP), Oscar Matute (EH Bildu), Jose Navas (EB-Berdeak) eta Gorka Maneiro (UPyD).

Sei gai orokor nagusiren araberako atalak egingo dituzte debatean: ekonomia eta enplegua; fiskalitatea eta politika publikoak; normalizazio politikoa; marko instituzionala; gizarte politika, hezkuntza eta kultura, eta, azkenik, botoa eskatzeko errondarekin itxiko dute.