Zientzia eta teknologiaren inguruko dibulgazio saioa da ''Teknopolis'', eta Oihana Jauregi du aurkezle. Saioak oinarrizko zientziari eskainitako tarte laburrak eskaintzen ditu, eta, noizbehinka, gai nagusiak sakonean aztertzen ditu. Gainera, ikertzaileak euren ikerketa-lekuetan eta arlo pertsonalean ezagutzeko aukera ematen du. Elhuyarrek, Eusko Jaurlaritzako Industria eta Hezkuntza sailekin lankidetzan, egiten du ETBrako zientzia eta teknologiaren inguruko saio hauxe. Bestalde, Mondragon Unibertsitatea, Euskal Herriko Unibertsitatea eta Ingeteam taldea ditu laguntzaile.