EiTB.com - Radio y televisión vasca - Euskal Irrati Telebista

Osteguna, 2008eko abenduak 4
logo eitb.com
Orain zuzenean
SUKALDARITZA
Ez dugu esango saltsa guztietako perexila denik, beste sukaldari batekin nahastu dezakezuelako, baina gatza eta piperra badu, eta gazia eta gozoa izaten ere bai. Geza noizbehinka. Ez du zartagina kirtenetik heltzen, laborategian egiten duelako lan. Aurreko mantalarik gabeko sukaldariak zer egiten du? Gu bezala ondo jan, eta nola duen aparteko paladarra gauza onak eta goxoak nola presta daitezkeen ikasi egiten du. Honek ere ez du jakinduria beretzako, honek ere jendea lanean jarrarazten du: errezetak ematen ditu, baina askotan ikerketa formulak izaten dira. Sukaldeak laborategi bihurtu nahi ditu, horretarako irratiako megafonia erabilita. "Aperitifa" saioan esaten baititu bere sekretuak, formulak, errezetak, garraztasunak eta gozotasunak.
KALABAZA ZOPA OTARRAIN ETA LARANJA AZALEKIN
Garaiko berdurekin prestaturiko plater goxoa

OSAGAIAK (4 lagunentzat)

Kalabaza eta azenario zoparen prestaketarako:
-Kilo bat kalabaza
-200 gr. azenario
-100 gr. oliba olio
-Azukre apur bat
-Gatza eta piper hautsa
Otarrainen prestaketarako:
-8 otarrain eder
-4 laranjen azal lehor (lehortu labean 65 Cº-tan)
-100 gr. almendra hauts bihurtuta
-4 goilarakada oliba olio
-Perrexil txikitua
-Gatza
Gainera: Oliba olio birjina eta perrexil orriren bat:
PRESTAKETA
Kalabaza eta azenario zoparen prestaketarako
Kalabaza eta azenarioak zurituko ditugu lehendabizi. Hauek zuritu ondoren zuku bihurtuko ditugu zuku bihurtzaile baten laguntzaz. Kazola batean ipini eta irakin egingo dugu 2 minutuz. Sutatik kanpo olioa gehitu eta ongi irabiatuko dugu osagaiak ongi emultsionatuz. Gatza eta piper hautsa eman, baita ere azukre ukitu bat. Mantendu bero azken ordura arte.
Endibia erreen prestaketarako
Lehenik otarrainak zuritu eta bere buruak jasoko ditugu beste edozein prestaketarako.
Otarrain gorputz zurituei luzetara ebaki bat egingo diegu, liburu baten antzera zabalduaz. Beste alde batetik, kafe trituragailu baten laguntzaz hauts bihurtu laranja azal lehorrak eta ondoren nahasi almendrekin. Gatzatu arin otarrainak eta pasa almendra eta laranja hautsetatik hauen alderdi zuria.
Berotu zartagia olioarekin eta gorritu bertan otarrainak bi aldeetatik, kontu handiz laranja eta almendren hautsa erre gabe. Eman perrexil ukitua.
BUKAERA ETA AURKEZPENA
Plater txakon baten gainean ipini otarrainak, platerako bi, alderdi laranja gorantz duela. Inguruan zabaldu prestatutako kalabaza eta azenario zopa.Apaintzeko jarri perrexil orria eta oliba olio goilararen bat.

HISTORIKOAK