Walkmanak 30 urte bete ditu

Walkmana munduko lehen musika irakurgailu eramangarria izan zen eta 80. hamarkadako ikono bilakatu zen, baina, 30 urte geroago, mp3-ek eta azken teknologiei egokitutako aparatu berriek zaharkituta utzi dute.

1979ko uztailaren 1ean iritsi zen merkatura eta garai hartan sekulako iraultza ekarri zuen, "edozein tokitan eta edozein momentutan" musika entzuteko aukera eskaintzen baitzuen.

Urdina eta zilar kolorekoa zen duela hiru hamarkada dendetara iritsi zen lehen walkmana. Denborarekin enpresa ezberdinek walkman berriagoak eta modernoagoak atera zituzten eta guztira 385 milioi aparatu inguru saldu dira mundu osoan zehar.

Halere, gaur egun ez da walkmanaren arrastorik geratzen, aparatu txikiek, koloredunek eta litio bateria dutenek honen lekua hartu baitute.