Lafulanitadetal; diseinu bitxiak poltsetan eta txapetan

Lafulanitadetal markaren diseinuak dira argazkian ikusten direnak. Txapa original hauek ez ezik, poltsak ere diseinatzen ditu artista honek.

Etsy izeneko dendan saltzen ditu bere produktuak lafulanitadetalek eta oro har, diseinu alaiak eta bitxiak egiten ditu. Interneten, bere blogaren bitartez ere salduko ditu aurki produktuak lafulanitadetalek, baina, Euskal Herrian baditu beste bi saltoki; bata Hondarribiko Maitane taberna da eta bestea Irungo Dpor Mosku taberna.

Horrez gain, azoka ezberdinetan ere erakusten ditu bere diseinuak eta azkenaldian txapez gain poltsak ere landu ditu artista honek. Poltsetan guztira lau modelo ezberdin atera ditu Oiartzun eta Bartzelona artean bizi den diseinatzaile gazte honek.