EAJk hauteskundeak irabaziko ditu, Ikerketa Soziologikoen Zentruaren arabera

Eusko Alderdi Jeltzaleak EAEko hauteskundeak irabaziko ditu Ikerketa Soziologikoen Zentruak gaur kaleratu duen inkestaren arabera. Jeltzaleek 27-28 eserleku lortuko dituztela dio dokumentu horrek.

Sozialistek, berriz, 26 legebiltzarkide izango dituzte inkesta honen arabera, egun dituztenak baino 8 gehiago.

PPk 11-12 ordezkari izango dituzte hurrengo Legebiltzarrean, Eusko Alkartasunak 3 edo 4 lortuko lituzke (egun, zazpi dauzka), Ezker Batuak 3 (oraingo egoera bera) eta Aralarrek beste hiru izan ditzake (azken legealdian bakarra izan du).

Gaur kaleratu duten inkestaren arabera, Union Progreso y Democraciak eserleku bat ere lor dezake. Dokumentu honetan aurreikusi dituztenak horrela badira, gehiengoak osatzeko egoera zaila izango da. Ikerketa honetan ez dute ezker abertzalearen presentziarik jaso.