Urkullu: "Estrasburgeko epaia ez da Estatuaren garaipena"

Estrasburgeko epaiaren inguruan mintzatu da, besteak beste, Iñigo Urkullu jeltzalea, Euskadi Irratian egin dioten elkarrizketan. "Alderdien Legea ohiz kanpoko neurria da eta arbitrariotasunetik dago gauzatua", esan du Urkulluk. Hala ere EBBko presidenteak "epaimahaia errespetatzen" duela onartu du, "Estrasburgeko erakundea oso prestigiosotzat" hartzen duela zehaztuz.

Bestetik, Ezker Abertzaleak epaiari eginiko irakurketari helduz, "ETAren aurrean Ezker Abertzaleak erantzun" behar duela esan du.

Alderdi Mahairen egitasmoari buruz berriz, "gatazka politikoa ETAren gainetik" dagoela aipatu du eta "Mahaiak sentsibilitate ezberdinak" jaso beharko lituzkeela ere aitortu du.