Real Madrilek erraz gainditu du Iurbentia

Iurbentia Bilbao Basketek Vistalegren jokatu zuen Real Madrilen aurka, inoiz irabazi ez duen kantxan.

Norgehiagoka erritmo itzelarekin hasi zen. Iurbentiak lortu zuen norgehiagokako lehen saskiratzea, baina 0-2koaren ondoren, madrildarrek hiru hiruko jarraian sartu zituzten. Dena den, azkar berdindu zuen partida Iurbentiak (10-10). Ondorengo minutuetan bi taldeek erraz saskiratu zuten hiruko marratik eta lehen laurdena etxeko taldearen aldeko 23-20ko emaitzarekin bukatu zen.

Bigarren laurdenaren hasieran ere hirukoen jaialdia ikusi ahal izan zen. Indarrak oso parekaturik zeuden eta laurdenaren bukaerarko 6 minutu falta zirela partida guztiz berdinduta zegoen (28-28). Berdinketa eta gero, Real Madrilek 13-0eko partziala lortu zuen eta norgehiagoka apurtu ere (41-28). Azkenean, merengeen aldeko 13 puntuko abantailaz iritsi zen norgehiagoka atsedenaldira (47-34).

Hirugarren laurdena 4-0eko partzialaz hasi zuen Real Madrilek. Ondoren, Iurbentiak puntu bat lortu zuen falta pertsonal bat sartuz eta ordutik aurrera bi taldeetako batek ere ez zuen bost minututan saskiratzerik lortu (51-35). Momentu horretatik aurrera Real Madrilek ez zuen arazorik eduki eta 66-45eko emaitzaz bukatu zen hirugarren laurdena.

Azken laurdenean, Real Madrilek gozatu egin zuen eta 21 puntuko abantail horrekin jokatu zuen. Merengeek ez zuten arazorik izan eta garaipena lortu zuten 84-74ko emaitzaz.

Fitxa teknikoa:

84 - Real Madril (23+24+19+18): López (5),Bullock (14), Hosley (4), Hervelle (5), Hamilton (-) -hasierako bostekoa-,Reyes (14), Mumbru (8), Massey (14), Llull (15) eta Tomas (5).

74 - iurbentia Bilbao (20+14+11+29):Salgado (13), Vazquez (6), Seibutis (9), Banic (13), Weis (-) -hasierako bostekoa-, Guardia (8), Recker (8), Savovic (11), Pasalic (6) eta Blums(-).