Olaizola II eta Irujo, gustora Gasteizen

Aimar Olaizolak eta Juan Martinez de Irujok gaur eguerdian aukeratu dituzte Gasteizko Ogeta pilotalekuan datorren igandean lau terdi barruan jokatuko duten partidarako pilotak. Gaur aitzakiarik ez da izan, bi pilotariak gustora gelditu dira.

Aditu askoren esanetan igandeko bi pilotariek jokatuko dute hamabost egun barru final nagusia. Olaizolak finalean izateko aski du zazpi tantu eginda; Irujo nagusi bada beste txartela ia patrikan izango du.