Bost segundoko aldea Kaikurentzat

Kaiku izan da onena Donostiako uretan jokatu den Kontxako Banderaren lehen estropadan. Sestaoko traieruak 19:11ko denbora egin du. Bost segundo gehiago behar izan ditu Castrok eta hamar gehiago San Pedrok.

Hondarribiak irabazi du lehen txanda (19:26) eta hurrengo asteburuko ohorezko txandan izango da. Beraz, lau talde hauek lehiatuko dira denboraldiko txandarik zirraragarrienean.

Kaikuk urrezko bost segundoko errentarekin egingo dio aurre bigarren eta erabakigarria izango den bigarren jardunaldiari. Igandeko hitzordu horretan erabakiko da Bandera, baina aurreneko urratsa Kaikurena izan da.

Lehen estropadaren sailkapena:

1 Kaiku 19:11:12
2 Castro 19:16:58
3 San Pedro 19:21:52
4 Hondarribia 19:26:74
5 Pedreña 19:33:90
6Urdaibai 19:40:48
7 Orio 19:43:66
8 Donostiarra 20:23:74