Interneteko Google operadoreak gaur, asteazkena, txat eta bideo funtzioak gaineratu dizkio Gmail mezularitzari, erabiltzaileak aldi berean elkar ikusi ahal izateko.
Zerbitzu berri hau erabiltzeko baldintza bakarra erabiltzaileak web kamera bat izatea eta mezularitza zerbitzutik nabigazio programa batera sartzea da. Googlelek aukera hau Google Earth edo Street View zerbitzuak bezala doakoa izango dela adierazi du.
Txat edota bideo sistema berria erabiltzeko Gmail posta elektronikoa zabaltzea nahikoa da. Orduan bideo bidez konektatuta dauden pertsonen izenen ondoan ikono berde bat agertuko da. Gmailen leihoaren behealdean dagoen "bideoa edo gehiago" izeneko aukera hautatu eta ondoren "bideo txat-a hasi" aukeratu behar da.
