Zainzuri zuri saretuen hari karraskatsua. Gatxozpintze erretxinatsua eta kimu begetalak.

Osagaiak

Zainzuri zurientzat:
600g zainzuri zuriak. 50g perrexila. 20ml oliba olioa. 3l ur. 45g gatz.
Erretxina egiteko:
250g bakailao gezatuaren azala. 350 ml ur. 50g laktosa. 15g pinu orri.
Kimua egiteko:
Mizuna kimuak (Brassica rapas). Ziape gorriko kimuak.

Nola egin?

PRESTAKETA:

Zainzuri zuriak egiteko: Jarri urez betetako ontzi batean perrexila zurtoinak. Gorde. Kendu zainzuriaren luzeraren laurdena. Garbitu zainzuriak parpaila batekin goitik behera, ahalik eta azal gutxien kenduz. Kendu zainzuriaren punta, pare bat zentimetro edo, zazpi bat zentimetroko zurtoinekin gelditu arte. Erabili gorringoa beste zenbait gauza prestatzeko. Sartu zurtoinak ur hotzez eta perrexilez beteriko ontzian. Kazola batean jarri irakiten 3 litro ur eta 45 g gatz. Kazola berean jarri egosten minutu batez zainzuri zuriaren zurtoinak. Hozteko sartu ur hotzetan. Ebaki zainzuri zurtoin luzeskak 2 mmko lodierako zatitan. Moztu ondoren, luzetaka lamina batzuk, 2 x 2 mmko neurriko hari-zuntz luzeak lortzeko. Egin 40 gramoko zainzuri hari-zuntzen tontorrak. Gorde hozkailuan.

Erretxina egiteko: Garbitu jada gezatutako bakailao zatien azalak eta jarri egosten uretan. Ura irakiten hasten denean jaitsi sua minimora eta utzi azala egosten salda hasierako bolumenaren laurdenera jaitsi arte. Iragazi lorturiko likidoa. Gorde. Jarri labea berotzen 200ºC-tan. Hautseztatu laktosa silikonazko maila plaka baten gainean. Estali maila eta sartu labean 15 minutuz. Karamelatu laktosa, atera eta epeldu. Txikitu karamelua eta gorde siliziozko gel batez beteriko ontzi hermetiko batean, hezetasuna hartzea saihesteko. Jarri ontzi batean salda eta karamelua. Labeak 70ºC-ko tenperatura hartzean, sartu pinuaren punta eta utzi infusioa egiten zaporea atera eta adarrak kolorea galtzen duela ikusi arte. Atera pinu kimua, iragazi eta murriztu zukua, hotzean eztiaren antza izango duen ehundura lortu arte. Beroan zukuak likido itxura handiagoa izango du.

Kimuak prestatzeko: Moztu kimuak eta sartu ur hotzetan barazkiak desinfektatzeko gaiarekin. Ura kendu, uretatik pasa eta jarri sukaldeko paper bustia duen erretiluaren gainean.

AMAIERA ETA AURKEZPENA: Zainzurien haria pasa plantxatik, baina kolore gehiegi hartu gabe. Jarri erretilu bero batean eta lurrindatu parrilan dagoen galbahe baten gainean minutu batez. Mantendu berotan arrabioan bero katea eten ez dadin. Platera zapal baten gainean markatu erretxina zati bat. Jarri zainzurien hariak erretxinaren alde batean banatuta. Amaitu, belarrak modu aleatorioan jarriz.