Piper beteak Ander estilora

Osagaiak

1 Igurtzitzeko gazta-terrina bat, Philadelphia adibidez

2 atun lata txiki

1 Pikillo piper pote bat (piper osoak)

2 tipula handi

Baratxuri pare bat

Baso erdi bat ardo txuri

Arrautza bat

Arrautza irinetan pasatzeko irina

Olioa

Gatza

Nola egin?

Kaiku sakon batera bota gazta-terrina osoa. Ireki bi atun lata, xukatu eta xehatu eta gaztaren ontzi berera bota. Dena ongi nahastu.

Piperrak bete egindako nahasketarekin. Zortzi piper inguru aterako dira nahasketarekin (piperraren tamainaren araberakoa izango da, noski). 

Jarri olioa berotzen. Piper beteak irinetan pasa eta gero arrautzetan. Azkenik, olio berotan pasa.

Sukaldeko paperaz estali platera bat eta bertara atera piperrak urre kolorea hartzen dutenean. Paperak olioa xurgatuko du.

Tipula eta baratxuria xehatu. Zartagin batera olioa bota, gehitu tipula eta baratxuria eta egin su baxuan. Utzi potxatzen, baina ez daitezela erre. 

Biguna dagoenean, gehitu tiratan ebakitako hiru piper. Gehitu ardo txuria eta murriztu arte. 

Piperrek soberan zuten olioa askatzen dutenean jarri kazola batean. Piperrarekin, tipularekin eta baratxuriarekin egindako nahasketa ongi xehatu eta piperrekin nahastu.

Berotu eta on egin!

Oso azkar egin daitekeen errezeta bat da. Gainera, estualdietatik atera zaitzake. Ea gustatzen zaizuen!!!