Melokotoi eta txokolatezko mousse tarta

Osagaiak

OINARRI karraskatsua egiteko:
200g irin
80g arto-irin
200g gurin
150g glass azukre
Arrautza gorringo bat
Banilla likido tanta batzuk

Gozogintzako KREMA egiteko:
250g esne oso
250g esne kondentsatu
2 zuringo
40g arto-irin
Ron zorrotada bat
20g gurin
Azukre banillatu koilarakada bat

BARRUKOA egiteko:
Almibarretako melokotoi pote handi bat
Txokolate MOUSSEA egiteko:
400g esne-gain harrotzeko
200g-ko nocilla pote bat
Bost gelatina orri
Bizpahiru koilarakada likore (nik Licor 43 apur bat jarri nuen, baina beste edozein izan daiteke).

APAINTZEKO:
Almibarretako melokotoi pote handi bat
Estaltzeko txokolatea

Nola egin?

Lehenik eta behin, prestatu tartaren oinarria. Katilu batean jarri gurina eta gehitu glass azukrea. Irabiatu nahasketa apartsu bat lortu arte. Hagatxoak dituen irabiagailu elektriko bat erabilita emaitza hobeak lortuko dituzu.

Behin nahastuta gehitu arrautzaren gorringoa eta banilla esentzia eta jarraitu irabiatzen.

Krema lortzean utzi albo batera irabiagailua eta gehitu irina eta arto-irina. Aurretik nahastu eta bahetu.

***Garrantzitsua da irina gehitzeko modua eta horrek baldintzatuko du azken emaitza.

Kasu honetan oinarri karraskatsu bat gelditzea nahi dugu, gurinez aberastutako galleta gogorra izan dadila, baina aldi berean karraskatsua eta gozoa izan dadila.

Behin hori argituta ondorengoa egingo dugu: irauli bahetutako irina gurin kremaren gainean eta hasi nahasten, ahal bada, gozogintzako arraspa batekin. Arrasparik ez baduzu, nahastu sardexka batekin, baina eskuekin orea ukitu gabe. Nahastu guztia ondo irina ondo gehituta gelditzen den arte.

Irina homogeneoki banatuta dagoela ikustean gehitu eskuekin, ez oratu, gehitu kondarrak bola bat lortzeko. Kontua orea eskuarekin zapaltzea da, harik eta bola bat sortu arte.

***Zailagoa da azaltzea egitea baino.

Gurin asko duenez zailtasun handirik gabe osatuko dugu bola.

Lan mahaian jarri film papera eta gainean jarri bola. Estali beste film paper batekin eta arrabol batekin zabaldu 36x24 neurriko laukizuzen bat osatu arte. Osatu gutxi gorabehera zentimetro bateko lodiera duen orea. Filmekin estalitako bola sartu hozkailuan ordubetez gutxienez. Denbora horretan orea hoztu eta oratze prozesuan hartu ahal izan duen malgutasuna galduko du.

Behin hozten denean atera moldetik, sardexka batekin pintxatu eta laberatu 15 minutuz 175ºC-ko tenperaturan. Eduki labean urre kolorea hartu arte. Samurra dagoela badirudi ere, atera labetik gogortu egiten baita hozten denean.

Minutu batzuk pasatakoan atera moldetik eta jarri saretan hozten amaitu dadin.

Has gaitezen gozogintzako krema egiten. Krema egiteko edozein errezeta jarraitu daiteke, baina nik ondorengo krema prestatu dut. Berotu ontzi batean esne osoa eta kondentsatua, baina ez dezala irakin.

Bestalde, nahastu katilu batean arrautza gorringoak, azukre banillatu koilarakada bat, arto-irina eta ron edo likore zorrotada bat. Ongi nahastu eta gehitu esne bero zorrotada bat. Nahastu hagatxoekin ongi nahastuta egon arte eta joan pixkanaka-pixkanaka gelditzen den esnea gehitzen.

Bota nahasketa katilura eta jarri sutan. Hasieran su txikian jarri eta etengabe eragin, kazolan zortziak eratuz. Honela, haga bi aldiz igaroko da erditik buelta bakoitzeko, erdialdea baita kremak bero gehien jasango duen puntua.

Denbora gutxian loditzen ari dela konturatuko gara eta nahastu. Jarraitu sukaldatzen nahi dugun ehundura lortu arte. Kendu sutatik eta gehitu gurina. Jarraitu nahasten disolbatu arte.

Irauli krema ontzi batean eta estali film paperarekin eta utzi hozten.

Erdikoa egiteko ura kendu almibarretako melokotoi zatiei, kendu zati txikietan eta denbora igaro eta gero, lehortu sukaldeko paperarekin. Frutak lehorra egon beharko du, prestaketa hezetu ez dezan.

Kakao eta hur moussea egiteko jarri beratzen gelatina, utzi ur hotzetan 10/15 minutuz, bigundu arte. Bien bitartean, esne-gaina harrotu azukre koilarakada batekin eta gorde hozkailuan.

Berotu Licor 43 likorea edo dena delakoa mikrouhinean eta disolbatu gelatina orriak. Berotu Nocilla ur-bainuan eta gehitu likorea, nahastu oso ongi nahastuta egon arte. Banatu pare bat koilarakada krema horretatik. Krema hori ondoren dekoraziorako erabiliko da.

Utzi epeltzen kakao krema eta ia hotza dagoenean, gehitu esne-gain pixka bat, nahastu eskuzko hagarekin. Gehitu kakaozko krema gainerako esne-gainari, kontu handiz mugimendu inguratzaileekin eta behetik gora nahastuz.

Muntaia eta dekorazioa
Ezinbestekoa da desmuntatu daitekeen oinarri bat duen molde batekin lan egitea. Kasu honetan moldea laukizuzena eta 36x24 zentimetroko neurria izango du. (Osagaiak molde hau erabiltzeko aurreikusita daude).

Lehenik eta behin, jarri gailetaz egindako oinarri karraskatsua. Zabaldu gozogintzako krema uniformeki eta jarri gainean melokotoi zatiak. Gainera isuri kakaoz eta hurrez egindako krema eta berdindu gozogintzako espatula batekin. Sartu eta utzi bi orduz hozkailuan, moussea gogortu arte.

Hasi tarta dekoratzen. Banatu puskatan melokotoia, kendu ura eta ongi lehortu.

Bestalde, berotu mikrouhinean gordeta genituen nocilla koilarakadak likorearekin. Gelatina tarteko, gogortuta geldituko ziren eta horretarako, berotu segundo batzuez berriz ere likido bihurtu arte. Sartu aho fineko gozogintzako beso batean eta dekoratu tarta horrekin sare bat sortuz.

Desegin txokolate pixka bat eta sartu erdi bakoitza estaldura beroan, jarri tarta gainean eta utzi hozkailuan zenbait orduz.

***Tarta oso handia ateratzen da, oso egokia jende asko biltzen den bileretarako.

***Ebaki zati txikietan eta hobe da eskuarekin jatea, pastel bat bailitzan.