Anemiasen Txokoa: Foster platanoak eta izozkia

Osagaiak

2 platano ez oso heldu
Muxika bat
8 marrubi
Ron kiskali kopa bat
Azukre beltza
Banilla izozkia
Gurina

Nola egin?

Muxika zuritu eta ebaki puskatan.

Platanoak zuritu eta zeharka ebaki.

Marrubiak ere xerra lodietan ebaki.

Bi koilarakada gurin bota zartagin batera eta itxaron urtu arte. Ondoren, erregosi mantso-mantso platano eta muxika zatiak.

Erregosten ari diren artean, azukrez hautseztatu karamelatu dadin.

Azkenik, gehitu marrubiak denbora gutxiago behar baitute egiteko. Denbora gehiegi edukiz gero, desegin egingo dira.

Ronarekin busti eta garreztatu.

Katilu batean jarri bi banilla izozki bola eta gainean jarri frutak zartagineko urazukre kiskaliarekin bustita.