Udazkenarekin batera hasi da "Udazken Loreak" saioaren bigarren denboraldia. Igande iluntzetan, 21:30etik aurrera, modu atsegin eta gertukoan perretxikoen munduan murgilduko gaitu ETB-1eko saioak. Perretxikoak nola batu, zizaleku onak aurkitzeko sekretuak eta beste hainbat gai izango dituzte hizpide. On Eginen, saio bakoitzean biltzen diren perretxikoak nola prestatzen dituzten erakutsiko dizuegu.
2009/01/05
Lezamako Joxe Luis eta Eduardok irakasle lanak egin dituzte Iñaki lagun hasiberriarekin. Mendian nola moldatu, zein txoko miatu eta onddoak nola bereiztu itzelezko lana izan zen hasieran Iñakirentzat. Udazken lore sorta bildu ostean berak eman zien lezioa lagunei sukaldean.
2009/01/05 | iruzkinak: 0
Hiru azkoitiar Otzaurte inguruan aritu dira perretxikotan, onena zein den erakusteko.Iñaki Urbieta Etxetxo, Pittie eta Atxutxoren arteko deman saskia gutxien bete duenak ordaindu du bazkaria Joseba jatetxean, Azkoitian.
2008/12/29 | iruzkinak: 0
Perretxikozaletasunak eta ehizak zein lotura estua duten erakutsiko digute Joxe Mari, Nikolas eta Igorrek. Usotan eta oilagorretan saiatu dira gipuzkoarrak, saskia perretxikoz betetzea ahaztu gabe. Herrikide batengana, Joxe Mari Arbelaitzengana, joan dira gero, sukaldean oilagorra onddoekin presta diezaien.
2008/12/22 | iruzkinak: 0
Sunbillako neska koadrila bat Ibarburu jatetxera joango da, onddoak bildutakoan, Santi Aizpuru sukaldariak labean presta diezazkien.
2008/12/15 | iruzkinak: 0
Legazpiko perretxikozale beteranoenak gazteekin batera joan dira oraingoan perretxikotan, azken horiek mendian horren ondo moldatzen diren bertatik bertara ikusteko, eta bildutakoa elkartean jan dute, denok elkarrekin.
2008/12/09 | iruzkinak: 0
