Lana, gogoa eta eskuzabaltasuna. Hiru osagai horiek dira Donostiako sukaldari ezagunak prestatzen dituen errezeten oinarria. Astebururo, Radio Euskadin guztioi helarazten digu sukaldaritza erraza eta nutritiboa.
Ikerkuntza-sukaldaritzari lotuta dago Igor Zalakainen izena. Sormen gaitasun handia erakusten du Arzak jatetxe entzutetsuko laborategian, zapore, testura eta elaborazio prozesu berriak ikertzen. Sekretuak, formulak eta errezetak hizpide ditu Igorrek "Aperitifa" Euskadi Irratiko saioan.
Bere lanbideaz maiteminduta dago Fernando Canales. Zaporea, produktua, tradizioa eta sormena bere sukaldaritzako osagai nagusitzat hartuta, Etxanobe Bilboko jatetxeko sukaldari eta jabeak bere jakintza eta asmoen berri ematen du Radio Euskadiko "Boulevard" saioan.
Erronka bota diogu El Clarete Gasteizko jatetxeko sukaldariari. 1999az geroztik kolaboratzaile lanetan dabil Unai Fernández de Retana Radio Vitorian, eta bere errezetak gure etxeetako bitrozeramiketan, zartaginetan eta mikrouhinetan egiteko modukoak izatea eskatu diogu. Errezeta ezberdinak, landuak... baina guztion eskura.
Radio Vitorian, sukaldaritza gustuko dutenentzat txokoa eskaintzen digu Anemiasek. Astelehenetik ostiralera, Juanjo Martínez de Viñaspre gastronomo, komunikabideetako kolaboratzaile eta ardoetan adituak egunero menu ezberdin bat prestatzen lagunduko dizu, sasoiko produktuak erabilita.
Pedro Subijanak azken denboraldian ETBn prestatu dituen errezetak biltzen ditugu hemen. Sukaldari donostiarrak publiko guztientzako platerak aurkeztu ditu, errazenetatik sofistikatuenetaraino. Akelarre jatetxearen sukaldeko sekretu ezkutuenak zure eskura dituzu.
