Julenek Vascori goiko bizilagunaren argazkia erakutsiko dio. Vascok ez du ezagutuko. Karmele Lekuona da, Nekaneren ahizpa. Baina berandu da, izan ere, goiko pisura bizilagun berriak etorriko direlako. Eta hori gutxi izanda, goiko bizilaguna hil egin dela jakingo du. Vascok bitartean Teresaren bisita jasoko du. Hau prest agertuko da Vascoren "egia" entzuteko. Benetan nor den alegia.

Itziar Jox bisitatzera joango da, eta hemen susmo txarra hartuko dio Teresari. Gezurretan ari ote den. Erietxekoen hitzetan, Teresa ez da Karlosen ezer. Nor da Teresa baina? Zergatik gezurretan?

Julen Mirenen etxean jarraitzen du. Baina behin behineko egoera hori ez da oso Mirenen gustukoa eta hordagoa botako dio Juleni. Bere arropak armairuan gorde edo... Julen mirenen etxetik joango da.

Baina egun handia da, edo izan daiteke Gerrikorentzat. Gaur lehen aldiz Mikelek eta Julenek elkarrekin jokatuko dute, eta hori gutxi balitz, ESNE enpresako gerentea den Ander Luzarraga egongo da ikusle gisa. Gerrikon babesle modura sartzeko aukera duena. Baina Gerrikoko bikoteak partida galduko du. Eta modu txarrean gainera, Mikel eta Julen muturka amaituko dutelako.

Partidaren ostean Ainhoa agertuko zaio Juleni aldagelatan. Zer nahi du?

(2008/11/23 eguneko kapituluaren laburpena)