Auzitegi Gorenak ostegun honetan jakinarazitako epaia ez duela ''inolaz ere'' onartzen esan du Baltasar Garzon epaileak ohar batean. Garzon 11 urterako kargugabetzea erabaki du Gorenak, 'Gürtel auzi'ko entzuketak agintzeagatik, eta, erabaki horren aurrean, helegitea jarriko duela iragarri du Garzonek komunikabideei igorritako ohar horretan.

Epaia ez dagoela froga eta arrazoi judizialetan oinarrituta esan du Garzonek. Gorenaren erabakiak ustelkeria eta horren inguruko delituak ikertzeko aukera guztiak bertan behera uzten dituela eta zigorgabetasunari ateak irekitzen dizkiola uste du. ''Epaile konkretu batekin bukatzeko nahiak Espainiako epaileen independentzia puskatu lezake'', gaineratu du epaileak.

Garzoni babesa, kaleetan

Ehunka manifestari bildu dira ostegun arratsalde honetan Madrilen, Solen, Garzoni babesa agertzeko. Epaileari elkartasuna adierazi diote, eta kargugabetzea dela-eta ''haserrea'' eta ''lotsa'' agertu dute manifestariek.

11 urteko kargugabetzea

Auzitegi Gorenak Baltasar Garzon epailea 11 urterako kargugabetzea erabaki du, Gürtel auziko entzuketak agintzeagatik, auzitegietatik jakinarazi dutenez. Garzonek berak Auzitegi Gorenaren egoitzan jaso du epaileen erabakia. 14:00etan, behin epaia ezagutu duenean, eraikinetik irten da eta ez du adierazpenik egin.

Joaquin Gimenez epailea da auzitegi horretako burua, eta epaiaren txostengilea Miguel Colmenero izan da. Colmenerorekin batera, Andrés Martínez Arrieta, Francisco Monterde, Juan Manuel Berdugo, Manuel Marchena eta Luciano Varela epaileek hartu dute azken erabakia.

2010eko maiatzetik Auzitegi Nazionaleanaritzeko inhabilitatuta dago Garzon, eta Gürtel auziko inputatuei etahaien abokatuei kartzelan ustez legez kanpoko entzuketak egiteagatikinputatu zuten.

Bere jardueraren alde egiteko, Garzonek esan zuen defentsa eskubidea urratu baino gehiago eskubide hori defendatu zuela.''Hausnarketa egin ondoren eta legeak zorroztasunez betez hartu ziren erabakiak'', esan zuen Garzonek.

Epaiaren gakoak

Gorenaren arabera, Francisco Correa Gürtel sareko arduradun nagusiak eta Pablo Crespo bere bigarrenak Soto del Realeko kartzelan abokatuekin izandako elkarrizketak grabatzea agintzean, bidegabe jokatu zuen Garzonek, eta inputatuen defentsarako eskubidea urratu zuen "horretarako baliozko arrazoirik izan gabe".

"Edozein modutan lortutako Justizia ez da benetako Justizia", dio epaiak. Horrez gain, Garzonek "gaur egun erregimen totalitarioetan egiten diren jarduerak" egin izana aitortu zuen, "horrelako erregimenetan denak balio baitu Estatuari interesatzen zaion informazioa lortzeko".

Aurrekoa ez da Gorenak Garzoni egiten dion gaitzespen bakarra. Epaiaren 68 orrietan Garzonek egindakoak oinarrizko eskubideak urratzen dituela nabarmentzen du, "ikerketa kriminal batek ez baitu edozein ekintza justifikatzen" eta "egia ezin daitekeelako edozein modutan lortu".

Beste epaiketak

'Gürtel auzi'ko entzuketena Auzitegi Nazionaleko epailearen aurkako lehenengo auzia izan da. Atzo bertan, Garzonen aurkako bigarren epaiketa bukatu zen (frankismoan izandako delituak ikertzeagatik auzipetu dute).

Patxi Lopez lehendakaria larunbat honetarako Bakearen Aldeko Koordinakundeak Bilbon deitu duen manifestazioan izango da. ETAren jarduera armatuaren bukaera ospatzeko deitu dute, "Lortu dugu" lelopean. Koordinakundearen azken manifestazioa izango da, eta Bihotz Sakratuaren plazatik abiatutako da, 17:30ean.

EAJ, PSE, PP, EA, EB, IU eta Geroa Bai alderdietako ordezkariak ere izango dira bertan, eta UpyDk bertara joan ala ez erabakitzeko askatasuna eman die bere militanteei.

Lehendakariarekin batera, Rodolfo Ares eta Idoia Mendia sailburuak izango dira larunbatean Bilbon.

EAJ aldertitik, Iñaki Anasagasti, Iñigo Iturrate eta Izaskun Bilbao joango dira. Sozialisten kasuan, Odon Elorza izango da bertan, eta PPko Iñaki Oyarzabal eta Borja Semper ere espero dira Bilbon.
Aurreikuspenen arabera, Uxue Barkos ete egongo da bertan, eta baita EB-Berdeak alderdiko Jose Navas eta Ezker Anitza-IUko Mikel Arana ere.

Ohikoa denez, Eusko Alkartasunak manifestazioan parte hartuko du. Bildu osatzen duten formazioen artean bertan izango den bakarra da.

Enpresa, sindikatu eta esparru kulturaleko hainbat kideak atxikimendua adierazi dute, eta baita
ETAko hainbat biktimak ere. Bilbon izango dira, besteak beste, Natividad Rodriguez Fernando Buesaren alarguna, Amaia Guridi Santiago Oleagaren alarguna eta Patxi Elola sozialista.

Isabel Celaá Jaurlaritzako Hezkuntza, Unibertsitate eta Ikerketa sailburuak esan du iragarritako Lan-Eskaintza publikoarekin aurrera jarraituko dutela, baina Espainiako Hezkuntza ministroari oposizioen gaitegiak aldatzeko araua bertan behera uzteko eskatu dio

Hil honetako 7an Estatuko Buletin Ofizialean jasotako agindu hori "bertan behera uzteko" eta azaroan ezarritako gaitegiak "berreskuratzeko" eskaera egin dio Celaak Wert ministroari.

Horrez gain, Lan-Eskaintza Publikoaren deialdia otsailaren 15ean argitaratuko dute, EAEko Buletin Ofizialean.

Ohar batean Hezkuntza Sailak azaldu duenez, Espainiako Gobernuak otsailaren 7an oposizioen gaitegiak aldatu egin zituen, "aurretik Erkidegoei kontsultarik egin gabe".

"Hau ez da legealdiari hasiera emateko modurik egokiena, baina ez dugu aginduaren aurkako errekurtsorik aurkeztuko, lan-eskaintza publikoa arriskuan ez jartzeko" esan du Isabel Celaák.

Hezkuntza sailburuak, Isabel Celaák, otsailaren 7ko agindua "ahalik eta lasterren" baliogabetzeko eskaera formala bidali zion atzo Wert ministroari.

2011ko Lan-Eskaintza publikoan 8.000 pertsonek eman zuten izena eta 2012ko kopurua handiagoa izatea espero da.

Pilar Zorrilla Merkataritza eta Turismo sailburuordeak Gipuzkoako turismoaren arduradun nagusiekin batzartu da, herrialde historiko horretako turismoaren alde “batera” lan egiteko beharra nabarmentzeko asmoz.

Komunikatu baten bitartez azaldu duenez, batzarrean lurraldearen turismoaren inguruko azken datuak aztertu dituzte. Horietan, turisten beherakada bat sumatu dute, batez ere Estatutik etortzen diren bisitarien artean.

Zentzu horretan, herrialde historiko horretako turismoaren alde “batera” lan egiteko beharra azaldu die. Horretarako, jadanik martxan dauden planen pausuei jarraitzeko eskatu die Diputazioari eta Donostiako Udalari, egitasmo horiek “sektorearen lehiakortasunaren hobekuntza eta turistak erakartzeko gaitasuna erakutsi baitute orain arte”.

Urte honetarako ekintzak

Zorrillak, 2012 urterako antolatuta dauden ekintzen laburpena egin du, Zinemaldia, 2016ko Kulturaren Hiriburuaren baitan egingo diren ekintzak, Maria Cristina Hotelaren urtemuga edota Ordiziko Azokaren 500. urteurrenaren adibideak aipatuz.

Horrez gain, hurrengo hilabetean Espainiako Ostalaritza Federazioak antolatutako ‘Espainiar Ostalaritza Kongresua’ ospatuko dela gogorarazi du sailburuordeak.

Egun, gasolina iazko aste berdinean baino % 0,6 garestiagoa da.

Bestalde, gasolioaren prezioa 1,325 euroraino merkatu da, azken astean % 0,27 garestitu ostean. Diesela Espainiako ibilgailuen % 80k erabiltzen dute.

'Gürtel auzi'ko entzuketak agintzeagatik Baltasar Garzon epailea 11 urtez kargugabetzeko Auzitegi Gorenak hartutako erabakiak hainbat erreakzio ekarri ditu.

Horrela, Julio Villarrubia PSOEk Kongresuko Justizia Batzordean duen bozeramaileak argi utzi du bere alderdiak epaitegi guztien epaiak errespetatzen dituela, baina, kezka ere plazaratu du Baltasar Garonen ibilbidea duen epaile batek gaur jaso duen zigorregatik. ''Bitxia da hain ustelkeria trama larri batean epailea izatea lehen kondenatua'', esan du.

Esperanza Aguirre Madrilgo Komunitateko presidenteak (PP), aldiz, azpimarratu du dena ez dela zilegi helburua lortzeko, ''helburu hori laudagarria izan arren''.

Rosa Díez UpyD alderdiaren Kongresuko bozeramaileak, berriz, justizia denentzat berdina dela esan du, ''baita epaileentzat ere''.

Cayo Lara IUko buruarentzat ''egun tristea da gaur demokratentzat, Justiziak benda kendu baitu begietatik''. ''Onak kondenatu eta gaizkileak aulkietan eseri ez zirela gure seme-alabei azaltzeko lan zaila dugu aurretik'', gaineratu du.

Joan Tardà ERCko diputatuarentzat ''ultraeskuinaren lehen biktima'' da Garzon.

Josep Antoni Duran Lleida CiUko ordezkariak, bestalde, ez du epaiaren iritzi pertsonalik eman nahi izan, baina, argi utzi du gaurko erabakiak ez duela zerikusirik ''frankismoaren ikerketaren inguruko auziarekin''.

Eduardo Torres Dulce Estatuko Fiskal Nagusiak, berriz, errespetua agertu dio epaiari, baina gogoratu du erabakiak ez duela bat egiten Fiskalaren jarrerarekin.

Ostiral honetan Gobernuak onartuko duen lan-erreforma 'erabat agresiboa' izango dela aurreratu du ostegun honetan Luis De Guinos ministroak Bruselan, Olli Rehn Batzordeko presidenteorde eta Ekonomia Gaietako arduradunarekin izan duen elkarrizketan.

''Bihar (ostirala) lan erreforma onartuko dugu, eta 'erabat agresiboa' izango da. Negoziazio kolektiboa bigundu egingo du, eta kaleratzeen kalte-ordainak murriztuko ditu'', esan dio De Guindosek Rehni, grabatua izaten ari zela jakin gabe.

Bilera hasi baino lehen komunikabideei egin dizkien adierazpenetan, erreforma ''arazoen oinarrietara'' joko duela esatera mugatu da Ekonomia ministroa. Gaur arte Fatima Bañez Enplegu eta Segurtasun ministroak erreformaren inguruan aurreratutakoa baino ez genekien: erreforma horrek kontratu motak sinplifikatu, prestakuntzaren eredua aldatu eta kontratazioa pizteko hobariak eta enplegu politika aktiboak aldatuko dituela, gazteen lana "errealitate" bat izateko. Bestalde, aurreratu dutenearen arabera, aurretiko erretiroak murriztuko ditu, salbuespenezko kasuetan izan ezik; halaber, langabeziako prestazioa ezkutuko erretiro moduan erabiltzen dutenen jarduna galdituko, izan ere, erretiroa hartzen duten langileen % 25 langabeziatik datoz, Ministerioaren arabera.

Kontratazioaren harira, Bañezek kontratu mota bakarra erabiliko dela ukatu du, "Konstituzioaren aurka" doalako; halaber, lanaldi eta soldata txikiagoak dituzte enplegu txikiak (minijobs, ingelesez) erabiliko dituztela ere gezurtatu du.

Lanbide Heziketaren harira, lan-erreformaren bidez "prestakuntza kontua" sortuko dutela azaldu du Bañezek, eta horrek langileari lan-bizitza osoan lagunduko diola esan du.

Epe laburrean, nork bere lana sortzea sustatzeko, langabeek jarduera bat sortzeko erabili dezaketen diru kopuruaren zenbatekoa, kapitalizazioa, % 80tik % 100era igoko dute.

Bañezen hitzetan, lan-erreforma "osoa, orekatua, eraginkorra eta erabilgarria" izango da; Mariano Rajoy Espainiako Gobernuko presidentea horrekin bat dator, eta "zabala eta sakona" izango dela gaineratu du.

Lan-erreformaren hiru oinarriak enplegu egonkorra sortzea, kaleratzeak saihesteko enpresen barruan malgutasuna sustatzea eta langileentzako eskubide gehiago lortzea dira, batez ere, prestakuntzaren inguruan.

Ostiral honetako lan-erreforma araudiaren hamaseigarren aldaketa izango da, demokrazia onartu zutenetik.

Azken moldaketa PSOEko Gobernuak egin zuen, 2010eko irailaren 9an, Parlamentuan, eta greba orokor bat ekarri zion Zapaterori.

Euskal Herriko Unibertsitateak (EHU) zelulen hazkuntzan lan egiten duen segurtasun handiko lehen laborategia inauguratu du ostegun honetan. Laborategiak bide berriak zabalduko ditu bio-medikuntzaren arloan, eta bere lehen erabiltzailea unibertsitateko DNA bankua izango da.

Gasteizko Lucio Lascaray Ikerketa eta Ikasketa Aurreratuen Zentroan (CIEA)  dagoen laborategiak arriskutsuak izan daitezkeen agente patogenoez kutsatutako materialen analisia ikertzea izango du helburu.

DNA bankua izango da lehena

Instalazioaren lehenengo erabiltzaileetako bat EHUren DNA Bankua izango da. Populazioaren zahartze prozesuaren ikerlanaren baitan, ikerketa bide berri bat osatzea helburu izango dutelarik.

Laborategia EHUko Ikerketa Zerbitzu Orokorreko (SGIker) partaidea da. Zerbitzu horrek, beren lanak errazteko asmoz, giza eta errekurtso teknikoak eskaintzen dizkie administrazioei eta enpresei.

Francisco Bocanegra Baltasar Garzonen abokatuak esan duenez, bere bezeroa "lur jota" dago Gürtel auziagatik jasotako zigorragatik eta Auzitegi Konstituzionalera zein Giza Eskubideen Europako Auzitegira jotzea aztertuko du.

Cadizetik telefonoan egindako adierazpenetan, Baenak esan du Garzonek berak deitu diola prebarikazioagatik errudun jo dutela eta hamaika urteko zigorraren berri emateko. Ondorioz, epaitegietako ibilbidea amaitutzat ematen du eta "lur jota" dago.

"Imajina ezazu,: bizitza osoa epaitegietan igaro eta bat-batean dena amaitu dela esaten dizute. Lur jota egoteko modukoa da. Nik ere sentimendu hori bera daukat, eta mina ere bai", gaineratu du.

"Edukiak horretarako aukera emanez gero" Auzitegi Konstituzionalera edota Giza Eskubideen Europako Auzitegira joko du.

"Baina hori epaiaren azterketaren emaitzen arabera izango da, eta noski, nire bezeroaren borondatearen arabera".

Maria Teresa Fernandez de la Vegak itxura berria du. Ilea luzatu zaio eta azala leunagoa eta belztuagoa du. De la Vegaren itxura berria hedabide guztietara iritsi da. Hala ere, politikari ohiak zazpi kilo gizendu dituela azaldu du aldaketaren zergatiarengatik galdetu diotenean. La Vanguardia egunkariaren arabera, berriz, Maria Teresa Fernandez de la Vegak Enrique Monereo Elsa Patakyren zirujauarengana jo du.

Duela bi urte politika utzi zuenetik asko aldatu da De la Vega. Politikari ohiak berak sortutako Fundacion Mujeres por Africa elkartearen prentsaurreko batean egin duen agerraldian aho zabalik utzi zituen kazetariak.

Itxura berriaren zergatia galdetu ziotenean, zazpi kilo gizendu dituela erantzun zuen De la Vegak, baina argala denez, gorputzean nabaritzen ez zaiola esan zuen.