Manchesterreko hirukote batek "munduko abestirik erlaxanteena" sortu duela iragarri du, musikan adituak diren terapeuten laguntzarekin. Eragina hain handia omen da, "Wighles" gidatzen ari garen bitartean ez entzuteko gomendioa egin dutela zientzialariek.

Daily Telegraph egunkariaren arabera, Marconi Union hirukotea, Manchesterrekoa, musikan adituak diren terapeutekin elkarlanean aritu da arnasketa eta burmuina baretzen zuen abesti bat sortzeko.

Abestiari "Weightless" izena jarri diote eta 40 emakumezkorekin probatu dute, eta Enya, Mozart edo Coldplayren abestiak baino lasaigarriagoa dela ikusi dute. Gauzak horrela, parte-hartzaileen % 65ek abestiak antsietate maila jaitsi egiten ziola onartu zuen.

Abestiak zortzi minutu irauten ditu, eta hori garrantzitsua da, erlaxatzen hasteko "bost minutu" behar direlako gutxienez. Erlaxatzen hasteko prozesu horri "eransketa" deitzen diote.

Burrunba gozoak eta murmurioak

"Musika-noten arteko hutsunea euforia eta erosotasuna sortzeko pentsatuta dago. Doinua ez da errepikatzen, eta horrek burmuina guztiz deskonektatzea errazten du. Ausazko kolpeak daude, erlaxazioa handiagoa izateko. Bukaeran burrunba gozoak eta murmurioak sartu ditugu, kantu budisten antzekoak", azaldu du sortzaileetako batek.

Ikerketaren arabera, Weightless abesti erlaxanteenen zerrendako lehen postuan jarri dute. Horren atzean daude Airstream ("Electra"); DJ Shah ("Mellomaniac Chill Out Mix"); Enya ("Watermark"); Coldplay ("Strawberry Swing"); Barcelona ("Please Don't Go"); All Saints ("Pure Shores"); Adele ("Someone Like You"); Mozart ("Canzonetta Sull'aria"); y Cafe Del Mar ("We Can Fly").

Lapur batek gizon bati lapurtutako sakelako telefonoetan haur pornografia zuela ikusi ostean bere burua entregatzea eta pederasta hori salatzea erabaki du, Australian.

"Zuzen jokatu duzu. Mota horretako delituak oso larriak dira. Izandako jarrera goraipatu behar dugu; izan ere, bere askatasuna ere arriskuan jarri du", esan du epaileak. Lapurrak hilabeteko kartzela zigorra jaso du eta isuna ordaindu beharko du, Sydney Morning Herald egunkariak argitaratu duenez.

Lapurrak 46 urte ditu eta Australia hegoaldeko Victoriako Estatuko Poliziaren zoriona jaso du.

Lapurreta joan den urrian izan zen, Melbournetik 100 kilometrora dagoen Ballarat herrian.

Chiclana de la Fronterako (Cadiz) bezero batek ezustekoa hartu du etxeko otarra zabaltzean. Bezeroak esku granada bat aurkitu du herriko fruita denda batean erositako patata kiloaren artean. Zantzu guztien arabera, lehergailua II Mundu Gerra garaikoa da. Izan ere, bataila ugari pairatu zituen Frantzia eta Belgika arteko muga partetik ekarri dituzte patatak.

Goardia Zibilaren arabera, anana itxurako esku granada harri bihurtuta zegoen eta patata baten itxura guztia zeukan. Zantzuen arabera, lehergailua II Mundu Gerra garaikoa da. 1939 eta 1945 artean lursailak dauden lekuan hainbat bataila izan ziren.

Jazoera astelehenean gertatu zen Huerta del Rosario kalean. Goardia Zibileko talde bat hurbildu zen gertakarien lekura eta, ondoren, lehergailu teknikariak abisatu zituzten. Teknikariek beren instalazioetara eraman zuten lehergailua azteretu ahal izateko.

Julian Assange Wikileakseko sortzailea "Los Simpson" telesail famatuan azalduko da. Bere pertsonaiari ahotsa jarriko dio datorren otsailaren 19an FOXen emango duten 500. kapituluan.

Matt Groening telesaileko sortzaileak Assangek bertan azaltzeko interes handia zuela entzun zuen Entertainment Weekly-k argitaratu duenez.

Egun, etxe barruko arrastatzea du Assangek, eta telesaileko produktoreek ere ez omen dakite non grabatu zuen kazetariak kolaborazioa.

Assangek bere burua interpretatuko du eta kapituluaren nondik norakoak jada argitaratu dira: Springfield Simpson familia herritik botatzeko bilera bat egiten ari dela jabetzen dira Homer eta Marge eta joatea erabakitze dute. Orduan Assangekin egiten dute topo, "Flanders berri baten modukoa", azaldu dute produktore exekutiboek.

Alemaniako Alderdi Piratak bozkatzeko adina 7 urtera jaistea proposatu du Berlineko hiri-estatuan, Ganbara horretan ordezkaritza baitauka.

Bild egunkariak jakinarazi duenez, Piraten proposamena hauxe da: bost urte barru bozkatzeko adina 16 urtera jaistea, 10 urte barru 14ra, eta 15 urte barri 7ra.

20 urte barru, jaioberriek ere bozkatu ahal izatea nahi dute piratek. Hau da, Berlinen bozkatzeko baldintza bakarra hauteskunde-bulegoan eskaera formala aurkeztea izatea.

"Berlingo Ganbera legegileak umeei eta nerabeei ere eragiten dieten politikak egiten ditu. Horregatik, erabakitzeko eskubidea izan beharko lukete", azaldu du Fabio Reinhardt diputatuak.

Udazkenean, legegintzarako hauteskundeak egin zituzten Berlingo hiri-estatuan, eta orduan 17 urteko pertsonek bozkatu ahal izan zuten aurrenekoz.

Bild egunkariak inkesta bat egin du umeen artean, noren alde bozkatuko zuten galdetuta. Hori horrela, 8 urteko Benedikt-ek erantzun du "jostailuak merkatzen" dutenen alde egingo lukeela, eta 8 urteko Valentinak "eskolako ateak handitzen" dutenen alde.

Los Angeles-eko hautetsiek arautegi berri bat onartu dute gaur, porno-zinea egiten duten aktoreei kondoia janzten behartzeko helburuarekin. Xede nagusia, HIESaren kutsadura murriztea da, agintarien hitzetan.

Hautetsien gehiengo zabal batek arautegiaren alde bozkatu du (10etik 9k). AEBetan, San Fernando bailaran ekoizten da porno gehien, Los Angelesetik oso gertu.

HIESaren aurkako elkarte batek sustatuko neurria izan da gaur onartu dutena. Gai honen inguruan erreferedum bat egin nahi zutela iragarri zutenean, Los Angeleseko udal taldeak ekimena eztabaidatzeari ekin zion.

Trent Arsenaut, 63 urteko Kaliforniako gizonezko birjinak, 14 seme-alaba ditu bere webgunean ireki duen esperma bankuari esker. Internet bidez jasotzen ditu Arsenautek eskaerak, eta bertan gainera, bere historial klinikoa eta erreferentziak jarri ditu.

Negozio "bitxi" horri esker, San Franciscoko hainbat familiatako 14 seme-alabaren "aita biologikoa" da, nahiz eta inoiz ez duen sexu harremanik izan.

AEBetan jada arrakasta itzela lortu du eta hainbat komunikabidetan elkarrizketatu dute.

Bestalde, Ameriketako Estatu Batuetako Sendagaien Agentzia horren atzetik dabil orain urtebetetik, Internet bidez banatzen duen esperma kalitatezkoa den ala ez bermatuta ez dagoela argudiatuz.

"Nire sexu energiaren % 100 seme-alabarik ez duten bikoteei esperma emateko erabiltzen dut", esan du.

Arsenautek 328 lagin banatu dizkie 46 emakumeri jada. Ongintzazko lana dela esaten du, ohiko esperma banku bat ordaintzeko dirua ez dutenei laguntzeko.

Zeelanda Berriko baserritarren elkarteak ardiei ilea moztea kirol modalitate izatea eskatu du eta nazioarteko probetan, Olinpiar Jokoetan esaterako, kontuan hartzea nahi dute.

Jeanette Maxwell Zeelanda Berriko baserritarren elkarteko bozeramaileak ardiei ilea moztea nazioartean kirol gisa onartzeko eskatu du, Commonwealtheko jokoetan, eta Olinpiar Jokoetan, erakusketa-proba bilakatu daitekeelako.

"Proba hau eskatzen duen esfortzu fisikoaren adierazgarri litzateke", esan du Maxwellek.

Bi hilabete barru, uharteko iparraldeko Masterton hirian ardiei ilea mozteko munduko txapelketa egingo dute. Bertan, parte-hartzaile bakoitzak zortzi ordutan 700 ardiri moztu beharko dio ilea.

Munduko errekorra Ivan Scott irlandarrak du: zortzi ordutan 749 ardiri moztu zion ilea. Emakumezkoetan, ordea, Kerri-Jo Huia zeelandaberritarrak du errekorra; denbora berean, 507 ardiri moztu zion ilea.

Zeelanda Berrian, 4,4 milioi biztanle bizi dira eta 40 milioi ardi daude. Animalia horiek haztea eta horien haragia ustiatzea jarduera ekonomiko oso garrantzitsua da bertan.