Auzitegi Gorenak ostegun honetan jakinarazitako epaia ez duela ''inolaz ere'' onartzen esan du Baltasar Garzon epaileak ohar batean. Garzon 11 urterako kargugabetzea erabaki du Gorenak, 'Gürtel auzi'ko entzuketak agintzeagatik, eta, erabaki horren aurrean, helegitea jarriko duela iragarri du Garzonek komunikabideei igorritako ohar horretan.

Epaia ez dagoela froga eta arrazoi judizialetan oinarrituta esan du Garzonek. Gorenaren erabakiak ustelkeria eta horren inguruko delituak ikertzeko aukera guztiak bertan behera uzten dituela eta zigorgabetasunari ateak irekitzen dizkiola uste du. ''Epaile konkretu batekin bukatzeko nahiak Espainiako epaileen independentzia puskatu lezake'', gaineratu du epaileak.

Garzoni babesa, kaleetan

Ehunka manifestari bildu dira ostegun arratsalde honetan Madrilen, Solen, Garzoni babesa agertzeko. Epaileari elkartasuna adierazi diote, eta kargugabetzea dela-eta ''haserrea'' eta ''lotsa'' agertu dute manifestariek.

11 urteko kargugabetzea

Auzitegi Gorenak Baltasar Garzon epailea 11 urterako kargugabetzea erabaki du, Gürtel auziko entzuketak agintzeagatik, auzitegietatik jakinarazi dutenez. Garzonek berak Auzitegi Gorenaren egoitzan jaso du epaileen erabakia. 14:00etan, behin epaia ezagutu duenean, eraikinetik irten da eta ez du adierazpenik egin.

Joaquin Gimenez epailea da auzitegi horretako burua, eta epaiaren txostengilea Miguel Colmenero izan da. Colmenerorekin batera, Andrés Martínez Arrieta, Francisco Monterde, Juan Manuel Berdugo, Manuel Marchena eta Luciano Varela epaileek hartu dute azken erabakia.

2010eko maiatzetik Auzitegi Nazionaleanaritzeko inhabilitatuta dago Garzon, eta Gürtel auziko inputatuei etahaien abokatuei kartzelan ustez legez kanpoko entzuketak egiteagatikinputatu zuten.

Bere jardueraren alde egiteko, Garzonek esan zuen defentsa eskubidea urratu baino gehiago eskubide hori defendatu zuela.''Hausnarketa egin ondoren eta legeak zorroztasunez betez hartu ziren erabakiak'', esan zuen Garzonek.

Epaiaren gakoak

Gorenaren arabera, Francisco Correa Gürtel sareko arduradun nagusiak eta Pablo Crespo bere bigarrenak Soto del Realeko kartzelan abokatuekin izandako elkarrizketak grabatzea agintzean, bidegabe jokatu zuen Garzonek, eta inputatuen defentsarako eskubidea urratu zuen "horretarako baliozko arrazoirik izan gabe".

"Edozein modutan lortutako Justizia ez da benetako Justizia", dio epaiak. Horrez gain, Garzonek "gaur egun erregimen totalitarioetan egiten diren jarduerak" egin izana aitortu zuen, "horrelako erregimenetan denak balio baitu Estatuari interesatzen zaion informazioa lortzeko".

Aurrekoa ez da Gorenak Garzoni egiten dion gaitzespen bakarra. Epaiaren 68 orrietan Garzonek egindakoak oinarrizko eskubideak urratzen dituela nabarmentzen du, "ikerketa kriminal batek ez baitu edozein ekintza justifikatzen" eta "egia ezin daitekeelako edozein modutan lortu".

Beste epaiketak

'Gürtel auzi'ko entzuketena Auzitegi Nazionaleko epailearen aurkako lehenengo auzia izan da. Atzo bertan, Garzonen aurkako bigarren epaiketa bukatu zen (frankismoan izandako delituak ikertzeagatik auzipetu dute).

eitb.com-eko inkestan parte hartu dutenen %69ak Madrileko Santiago Bernabeu estadioa aukeratu du Athleticek eta Bartzelonak Errege Kopako finala jokatzeko. Real Madrid taldearen estadioa da eitb.com-eko erabiltzaileek gustokoen duten aukera, gehiego argiak aukeratu baitu.

Finala jokatzeko erablitzaileen bigarren aukera, Camp Nou estadioa da %23koarekin, Vicente Calderon estadioaren aurretik (%6a). Bi taldeek azkenengo finala jokatu zuten estadioa, Mestalla, bozka gutzien jaso dituen aukera da %3koarekin.

Patxi Lopez lehendakaria larunbat honetarako Bakearen Aldeko Koordinakundeak Bilbon deitu duen manifestazioan izango da. ETAren jarduera armatuaren bukaera ospatzeko deitu dute, "Lortu dugu" lelopean. Koordinakundearen azken manifestazioa izango da, eta Bihotz Sakratuaren plazatik abiatutako da, 17:30ean.

EAJ, PSE, PP, EA, EB, IU eta Geroa Bai alderdietako ordezkariak ere izango dira bertan, eta UpyDk bertara joan ala ez erabakitzeko askatasuna eman die bere militanteei.

Lehendakariarekin batera, Rodolfo Ares eta Idoia Mendia sailburuak izango dira larunbatean Bilbon.

EAJ aldertitik, Iñaki Anasagasti, Iñigo Iturrate eta Izaskun Bilbao joango dira. Sozialisten kasuan, Odon Elorza izango da bertan, eta PPko Iñaki Oyarzabal eta Borja Semper ere espero dira Bilbon.
Aurreikuspenen arabera, Uxue Barkos ete egongo da bertan, eta baita EB-Berdeak alderdiko Jose Navas eta Ezker Anitza-IUko Mikel Arana ere.

Ohikoa denez, Eusko Alkartasunak manifestazioan parte hartuko du. Bildu osatzen duten formazioen artean bertan izango den bakarra da.

Enpresa, sindikatu eta esparru kulturaleko hainbat kideak atxikimendua adierazi dute, eta baita
ETAko hainbat biktimak ere. Bilbon izango dira, besteak beste, Natividad Rodriguez Fernando Buesaren alarguna, Amaia Guridi Santiago Oleagaren alarguna eta Patxi Elola sozialista.

Isabel Celaá Jaurlaritzako Hezkuntza, Unibertsitate eta Ikerketa sailburuak esan du iragarritako Lan-Eskaintza publikoarekin aurrera jarraituko dutela, baina Espainiako Hezkuntza ministroari oposizioen gaitegiak aldatzeko araua bertan behera uzteko eskatu dio

Hil honetako 7an Estatuko Buletin Ofizialean jasotako agindu hori "bertan behera uzteko" eta azaroan ezarritako gaitegiak "berreskuratzeko" eskaera egin dio Celaak Wert ministroari.

Horrez gain, Lan-Eskaintza Publikoaren deialdia otsailaren 15ean argitaratuko dute, EAEko Buletin Ofizialean.

Ohar batean Hezkuntza Sailak azaldu duenez, Espainiako Gobernuak otsailaren 7an oposizioen gaitegiak aldatu egin zituen, "aurretik Erkidegoei kontsultarik egin gabe".

"Hau ez da legealdiari hasiera emateko modurik egokiena, baina ez dugu aginduaren aurkako errekurtsorik aurkeztuko, lan-eskaintza publikoa arriskuan ez jartzeko" esan du Isabel Celaák.

Hezkuntza sailburuak, Isabel Celaák, otsailaren 7ko agindua "ahalik eta lasterren" baliogabetzeko eskaera formala bidali zion atzo Wert ministroari.

2011ko Lan-Eskaintza publikoan 8.000 pertsonek eman zuten izena eta 2012ko kopurua handiagoa izatea espero da.

"Partida irabaztera irten ginen. Azkenengo partida ikusita, bagenekien egin behar genuena. Lerroak igo, eta erasokorrak izan kontzentraziorik galdu gabe" laburbildu du Marko Banic kapitainak.

Euroligako bederatzigarren saskiratzaile onena da Banic 14 puntuko bataz bestekoarekin. "Gauzak ondo irten zitzaizkigun eta garaipenaz gain basket average-a alde jartzea lortu dugu. Hori kristorena da" adierazi du Zadarreko pibotak.

Indar guztiak Endesa Ligako neurketan jarri behar dituztela gogoratu du Banicek: "Bolada onarekin jarraitu nahi du Ligan eta horretarako Assignia Manresa gainditu beharko dugu igandean" adierazi du.

Errege Kopa jokatu eta gero itzuliko dira Katsikarisen mutilak Euroligako hitzordura. Miribillan Montepaschi liderraren aurka jokatuko du Gescrapek. "Siena talde sendoa da, baina mendekua hartzeko asmoa dugu. Aurreneko hiru laurdenak ondo jokatu genituen Italian, baina partida Montepaschik irabazi zuen" bukatu du Kroaziako jokalariak.

Pilar Zorrilla Merkataritza eta Turismo sailburuordeak Gipuzkoako turismoaren arduradun nagusiekin batzartu da, herrialde historiko horretako turismoaren alde “batera” lan egiteko beharra nabarmentzeko asmoz.

Komunikatu baten bitartez azaldu duenez, batzarrean lurraldearen turismoaren inguruko azken datuak aztertu dituzte. Horietan, turisten beherakada bat sumatu dute, batez ere Estatutik etortzen diren bisitarien artean.

Zentzu horretan, herrialde historiko horretako turismoaren alde “batera” lan egiteko beharra azaldu die. Horretarako, jadanik martxan dauden planen pausuei jarraitzeko eskatu die Diputazioari eta Donostiako Udalari, egitasmo horiek “sektorearen lehiakortasunaren hobekuntza eta turistak erakartzeko gaitasuna erakutsi baitute orain arte”.

Urte honetarako ekintzak

Zorrillak, 2012 urterako antolatuta dauden ekintzen laburpena egin du, Zinemaldia, 2016ko Kulturaren Hiriburuaren baitan egingo diren ekintzak, Maria Cristina Hotelaren urtemuga edota Ordiziko Azokaren 500. urteurrenaren adibideak aipatuz.

Horrez gain, hurrengo hilabetean Espainiako Ostalaritza Federazioak antolatutako ‘Espainiar Ostalaritza Kongresua’ ospatuko dela gogorarazi du sailburuordeak.

Egun, gasolina iazko aste berdinean baino % 0,6 garestiagoa da.

Bestalde, gasolioaren prezioa 1,325 euroraino merkatu da, azken astean % 0,27 garestitu ostean. Diesela Espainiako ibilgailuen % 80k erabiltzen dute.

'Gürtel auzi'ko entzuketak agintzeagatik Baltasar Garzon epailea 11 urtez kargugabetzeko Auzitegi Gorenak hartutako erabakiak hainbat erreakzio ekarri ditu.

Horrela, Julio Villarrubia PSOEk Kongresuko Justizia Batzordean duen bozeramaileak argi utzi du bere alderdiak epaitegi guztien epaiak errespetatzen dituela, baina, kezka ere plazaratu du Baltasar Garonen ibilbidea duen epaile batek gaur jaso duen zigorregatik. ''Bitxia da hain ustelkeria trama larri batean epailea izatea lehen kondenatua'', esan du.

Esperanza Aguirre Madrilgo Komunitateko presidenteak (PP), aldiz, azpimarratu du dena ez dela zilegi helburua lortzeko, ''helburu hori laudagarria izan arren''.

Rosa Díez UpyD alderdiaren Kongresuko bozeramaileak, berriz, justizia denentzat berdina dela esan du, ''baita epaileentzat ere''.

Cayo Lara IUko buruarentzat ''egun tristea da gaur demokratentzat, Justiziak benda kendu baitu begietatik''. ''Onak kondenatu eta gaizkileak aulkietan eseri ez zirela gure seme-alabei azaltzeko lan zaila dugu aurretik'', gaineratu du.

Joan Tardà ERCko diputatuarentzat ''ultraeskuinaren lehen biktima'' da Garzon.

Josep Antoni Duran Lleida CiUko ordezkariak, bestalde, ez du epaiaren iritzi pertsonalik eman nahi izan, baina, argi utzi du gaurko erabakiak ez duela zerikusirik ''frankismoaren ikerketaren inguruko auziarekin''.

Eduardo Torres Dulce Estatuko Fiskal Nagusiak, berriz, errespetua agertu dio epaiari, baina gogoratu du erabakiak ez duela bat egiten Fiskalaren jarrerarekin.

Ostiral honetan hasiko da, Oviedon, Davis Kopako lehenengo fasea, Espainiaren eta Kazakhstanen artean. Ferrero Mijail Kukushkinen kontra arituko da, txapelketan parte hartu gabe hiru urte baino gehiago egon eta gero.

Almagroren, Ferreroren, Marc Lopezen eta Granollersen aukera nagusia izango da hau eta horregatik dena emango dute, denok jakin dezaten garaipenak Nadalek bakarrik lortzen ez dituela.

Alex Corretja ere estreinatuko da, Albert Costak postua utzi zuelako Davis Kopa irabazi eta gero.

Ingalaterrako Futbol Federazioak (FA) Stuart Pearce 21 urtetik beherakoen entrenatzailea aukeratu du Ingalaterraren buru izateko, postua hartzeko “pertsona onena” aurkitu arte.

Erabakia Fabio Capellok kargua utzi duela jakin eta ordu batzuk geroago hartu dute. Bere iritzia kontuan hartu gabe FAk John Terryri Ingalaterrako kapitaintza kendu diolako utzi du kargua entrenatzaile italiarrak.

Lau hilabete geratzen dira bakarrik Eurokopa hasteko eta Ingalaterrako selekzioak ez dauka argi nor izango den bere entrenatzailea. Kazetari gehienek Harry Redknapp Tottenhameko entrenatzailea aipatu dute, uda honetan kontratua amaitzen baitu.