Euskalmetek adierazi duenez, Gasteizko Udalak goizetik zeukan astearteko "elur-iragarpen zuzena". Euskal meteorologia agentziaren arabera, iragarpen horrek "ez zuen inolaz ere aipatzen prezipitazioak eguerdiko 12etatik aurrera hasiko zirenik", Udaletik esan zuten moduan.

Euskalmeten arabera, Gasteizeko Udalera bidalitako "meteo adversa" abisuetan "argi eta garbi azaltzen zen" elurra dela eta martxan jarritako alerta laranja asteazkeneko 00:00etatik egun bereko 24:00ak arte izango zela.

"Prezipitazio-maila txikia espero zen arren (abisu horia zegokion kantitate horri), tenperatura oso hotzak iragarrita zeudenez, Eusko Jaurlaritzako Larrialdiei Aurregiteko eta Meteorologia Zuzendaritzak abisu-maila igo zuen, horitik laranjara, elurrak kaleetan zein errepideetan sor zitzakeen arazoak aurreikusita", azaldu du Euskalmetek.

Agentziak adierazitakoaren arabera, abisua emateaz gain, egoerari buruzko informazioa "prentsa-ohar eta komunikabideen bidez" zabaldu zuten. Halaber, euskal erakundeetako bidezaintza teknikariekin hitz egin zuten, "horien artean, Gasteizeko Udalekoarekin".

Euskalmeten ustez, Gasteizeko Udalaren adierazpenak "Udalak berak meteorologia-abisuen gainean egindako interpretazio oker baten ondorio" izan daitezke.

Hotzaldiak eta elur-denboraleak hobera egingo dute zertxobait gaur, asteazkenean arazo ugari eragin ostean, batez ere, Araban.

Tenperatura apur bat igoko da gaur eta elur-kotak apurka-apurka gora egingo du, Euskalmet Meteorologiaren Euskal Agentziaren iragarpenaren arabera.

Hala ere, gauera arte ez da 500-700 metroraino igoko. Arratsaldean atertu eta ostarteak zabalduko dira. Horrekin batera, izotza botako du. Herrizaingo Sailak bertan behera utzi du elurragatik ezarri zuen abisu horia, baina izozteengatik eta muturreko hotzagatik bere horretan jarraitzen du abisu horiak.

Euskalmeten arabera, datozen egunetan berdin jarraituko du Errusiako antizikloiak, eta Azores uharteetatik iritsiko den antizikloiarekin elkartuko da, haize hotz fluxu bat eraginez. Aire masa hotz hori lehorra izango da.

Hori dela eta, asteburuan tenperatura oso baxua izango da. Barnealdean maximoak ez dira 0 ºCtik pasako, eta kostan 2-3 ºCra iritsiko dira asko jota. Tenperatura minimoari dagokionez, -5 ºCra jaitsiko dira termometroak eta kostan -3 ºCra ekialdean eta -1 ºCra mendebaldean.

Hala eta guztiz ere, ez da prezipitaziorik espero, beraz, ez du elurrik egingo. Mendebaldean agian botako omen du elurra, baina oso gutxi.

Datorren astean

Datorren asteari begira, Euskalmetek ez du baztertzen itsasotik haize hotz polarra sartzea. Kasu horretan, hezea izango litzateke.

Hotz gutxiago ekarriko luke, baina hezetasun gehiago izango duenez, elurteak egon daitezke 300-400 metro inguruan eta baita itsas-mailan ere.

Hotzaldiak Araban eta, batez ere, Gasteizen eragin ditu asteazken honetan arazo gehien. Joan den astean hotzaldi siberiarrarekin gertatu bezala, arazo handienak bertan jazo dira, elurra egin baitu 06:00etatik etengabe, eta kaleak eta errepideak izoztu egin baitira.

Aurreikuspenen arabera, eguerdian zen elurra erortzekoa, baina goizean goiz hasi du botatzen. Elurteak agintariak ezustean harrapatu dituela eta gatza bota gabe zegoela zuritzen hasi dela nabarmendu dute goizean; baina Marian Castellanos herritarren segurtasunerako zinegotziak ezeztatu egin du.

Zinegotziaren arabera, momenturik larriena 8:00 eta 8:30 bitartean izan da, eta zazpi istripu gertatu dira tarte horretan. Gainera, ibilgailu batek 47 urteko gizonezko bat harrapatu du, eta, erorialdien ondorioz, bost pertsonak hausturak izan dituzte.

Udalak larrialdi planeko lehenengo fasea ezarri du, baliabide guztiak martxan jartzeko.

Arabako gainontzeko lekuetan ere eguna zaila izan da, batez ere, errepidera atera behar izan dutenentzat. Arabako Aldundiak ere larrialdi plana abiatu du, errepideak zaintzeko, eta elurra kentzeko 15 makina ibili dira atzera eta aurrera. Hala ere, hogei bat istripu izan dira, gehienak txapa istripuak, eta hiru lagun arin zauritu dira. Istripu larriena Ilarratzan izan da, Gasteiztik zortzi kilometrora. Bertan zazpi autok elkar jo dute.

Trafikoko Mahai Teknikoa bilduta
Trafiko zuzendariaren arabera, jendea lanera zihoanean bota du elurra, eta hotzaren ondorioz, izoztu egin da. Horregatik sortu omen dira arazo gehienak. Trafikoko Mahai Teknikoa bilduta, Arabako Ertzaintza, Gipuzkoako eta Bizkaiko trafiko unitateekin indartzea erabaki dute.

Hotzaldiak Araban eta, batez ere, Gasteizen eragin ditu asteazken honetan arazo gehien. Joan den astean hotzaldi siberiarrarekin gertatu bezala, arazo handienak bertan jazo dira, elurra egin baitu 06:00etatik etengabe, eta kaleak eta errepideak izoztu egin baitira.

Aurreikuspenen arabera, eguerdian zen elurraerortzekoa, baina goizean goiz hasi da botatzen. Elurteak agintariak ezusteanharrapatu dituela eta gatza bota gabe zegoela zuritzen hasi dela nabarmendudute goizean; baina Marian Castellanos herritarren segurtasunerako zinegotziakezeztatu egin du. Zinegotziaren arabera, momenturik larriena 8:00 eta 8:30bitartean izan da, eta zazpi istripu gertatu dira tarte horretan. Gainera, ibilgailu batek 47 urteko gizonezko bat harrapatu du, eta, erorialdien ondorioz, bost pertsonak hausturak izan dituzte.

Arabako gainontzeko lekuetan ere eguna zaila izan da, batez ere, errepidera atera behar izan dutenentzat. Arabako Aldundiak ere larrialdi plana abiatu du, errepideak zaintzeko, eta elurra kentzeko 15 makina ibili dira atzera eta aurrera. Hala ere, hogei bat istripu izan dira, gehienak txapa istripuak, eta hiru lagun arin zauritu dira. Istripu larriena Ilarratzan izan da, Gasteiztik zortzi kilometrora. Bertan zazpi autok elkar jo dute.

Trafikoko Mahai Teknikoa bilduta
Trafiko zuzendariaren arabera, jendea lanera zihoanean bota du elurra, eta hotzaren ondorioz, izoztu egin da. Horregatik sortu omen dira arazo gehienak. Trafikoko Mahai Teknikoa bilduta, Arabako Ertzaintza, Gipuzkoako eta Bizkaiko trafiko unitateekin indartzea erabaki dute.

Eusko Jaurlaritzaren Trafiko Zuzendaritzak Arabako Trafikoaren Mahai Teknikoa bilera batera deitu du, elur-denboralea lurralde horretan eragiten ari den arazoak aztertzeko eta neurriak hartzeko.

Goizeko 10:30ean hasi den batzarrean, ondokoak elkartu dira: Trafiko Zuzendaritza, Ertzaintza, Arabako Foru Diputazioa, Vasco-Aragonesa A 68 autobidea eta SOS Deiak larrialdi zerbitzua.

Batzarra amaitzean, Amparo Lopez Antelo Trafiko zuzendariak agerraldia egingo du egoeraren inguruko xehetasunak emateko eta hartutako neurriak jakinarazteko.

Nafarroan, bestalde, elur-jausi bat izan da, Belaguan, Nafarroa Kirol Taldearen aterpe zaharraren inguruan, eta, ondorioz, NA-137 errepidea itxi egin behar izan dute. Elur-jausiak 40 metroko luzeera eta 1,50 metroko altuera izan du.

Astelehen eta astearterako iragarpena

Astelehenean, zerua oso hodeitsu edo estalita egongo da. Prezipitazio txiki-ertaina egingo du; egunaren bigarren partean eta kantauri isurialdean prezipitazioa ugaria eta iraunkorra izango da. Elur-kota 700-900 m inguruan kokatuko da eta egunaren bigarren partean 1000 m-tik gora kokatzeko probabilitatea handia da. Tenperaturan, aldaketarik ez edo gutxi igoko da. Izotz txikia egingo du barnealdeko zenbait puntutan, bereziki mendi inguruetan.

Asteartean zeruak oso hodeitsu jarraituko du. Prezipitazio txiki-ertaina egingo du, bereziki kantauri isurialdean. Goizaldean elur-kota 1000 m-tik gora kokatzeko probabilitatea handia da; egunean zehar jaitsi egingo da eta azken orduetan 500 m inguruan kokatzeko probabilitatea handia da.

Hotz eta elur denboraleak elurra ekarri du larunbatean, batez ere Araba aldean, baina apenas izan da arazorik errepideetan, izotzaren eraginez errepidetik atera dira ibilgailu batzuk kenduta.

Herrizaingo Sailaren arabera, arratsaldean zirkulazioa itxita izan da ibilgailu gutzientzat Altuben, Urduñan eta Herreran, hirurak bigarren mailako errepideetan.

Araban ere kamioiek debekatuta dute Kurtzeta, Vitoria eta Zaldiaraneko mendateetatik ibiltzea. Gainontzeko ibilgailuak bertatik pasa daitezke, baina kateak jarrita.

Bizkaia eta Gipuzkoa

Bizkaian elurrak ez du aparteko arazorik sortu eta Bikotzkane da itxita dagoen mendate bakarra, eta kamioientzako bakarrik. Bilbon elur gutxi jausi da, batez ere goizean, eta arratsaldean euria egin du batik bat.

Gipuzkoan mendate guztiak zabalik daude eta Donostian elurra goizean bota du. Arratsaldeko 18:00etatik aurrera, elur-maila 200 metrora igo da.

Igandean, euri asko

Euskalmeten arabera, igandean euria etengabe eta gogoz egingo du, eta 300 metrotik gora elurra botako du.

Igandean Atlantikotik fronte berri bat sartuko da, baina aurrekoa baino epelagoa, eta elur-maila igo egingo da. Airea hezea izango da baina euria gogoz egingo du, batez ere kantauri isurialdean.

Denborale bete-betean sartuta gaude eta elurrak, izotzak eta hotz siberiarrak errepideetan arazo ugari eragin du. Horren ondorioz, hainbat kontzertu bertan behera utzi behar izan dute antolatzaileek. Pettiren, Txapelpunken edo Mikel Urdangarinen kontzertuetara joatekotan bazinen, adi informazio honi.

Bertan behera gelditu diren kontzertuak:

Otsailak 4, larunbata:

Discipulos de Dionisos + The Burning Lust + Latigazos (Barakaldoko Edaska aretoa)

Hotz siberiarrak gurean jarraitzen du, eta, hobera egin baino, okerrera doa.

Kostaldean, tenperatura minimoa –4 ºCkoa izan da ekialdean eta –2koa mendebaldean. Maximoa, berriz, 4 ºC bueltakoa da. Kantaurialdeko barrualdean, minimoa –6ºCkoa izan da ekialdean eta –4ºCkoa mendebaldean. Maximoa nekez iritsiko da 3ºCra. Gipuzkoan elurra egin du goiz osoan zehar, izan ere, eguerdi aldean gogor bota du.

Trantsizio gunean, tenperatura minimoa –8ºCkoa izan da eta maximoa 2 ºCkoa. Ebroren bailaran, aldiz, -7 eta 3 ºC artean ibili da.

Eusko Jaurlaritzak alerta laranja ezarri du Bizkaian eta Gipuzkoan izozte eta elurteengatik, edozein mailatan.

10:00etatik 18:00etara, bai Bizkaian eta bai Gipuzkoan, alerta laranja dago, eta prezipitazio arinak zein moderatuak izan daitezke. Elurra itsas-mailan egingo du baina arratsaldeko azken orduan 100 metrora igoko da. Elur-geruza 2 eta 12 zentimetrokoa izango da 1000 metroan, eta 1 eta 7 zentimetro artekoa 200-600 metroan.

18:00etatik aurrera eta eguna amaitu arte, abisua laranjatik horira jaitsiko dute Bizkaian eta Gipuzkoan. Elurra 100 metrora botako du eta 200-300 metrora igoko da azken orduetan. Elur-geruzak 1 eta 3 zentimetroko lodiera izango du 600 metroan eta zentimetro batekoa 200 metroan.

Bestalde, Araban abisu horiari eutsiko diote, 10:00etatik egunaren bukaera arte. Elurte arinak espero dituzte, 1 eta 10 zentimetroko elur-geruzarekin.

Elurrak eragozpenak eragin ditu euskal errepideetan

Elurra eragozpenak eragiten ari da lehen mailako errepide sarean eta Altube itxi egin dute ibilgailu guztientzat. Gainera, Altubeko ordainsaritik Allarizeko tuneletara doan bidean hainbat kotxe gurutzatuta gelditu dira eta auto-pilaketak daude.

Herrera eta Orduñako portuak ere itxita daude ibilgailu guztientzat eta Gasteizko portua, Zaldiaran, Kurtzera, Bikotzgane eta Barazar kamioientzat.

Barazar eta Gasteiz arteko errepidean, (N-140) kateak behar dira, bigarren mailako portu guztietan bezala.


Asteburuari begira, eskola-kirol lehiaketa guztiak bertan behera utzi dituzte EAEn, eta ehiza jarduerak ere Bizkaian eta Gipuzkoan.

Alerta naranja igandera arte luzatu da 700 metrotik gora elurra espero baita.

200 pertsona baino gehiago hil dira Europan

Hotz denboralea dela-eta, 200 pertsona baino gehiago hil dira Europan, erdia baino gehiago Ukrainan. Bertan 101 lagun zendu dira, horietatik 38 azken orduetan. Ukrainaren ondoren, Poloniak jasan ditu tenperaturik hotzenak, eta, guztira, 37 pertsona hil dira bertan azken astean (horietatik zortzi bart). Erdialdeko Europan eta Balkanetan zero azpitik 30 graduraino iritsi da tenperatura, eta, hotzaldiaren ondorioz, 60 pertsona baino gehiago zendu dira. Errumanian 24 lagun hil dira, eta 6 gehiago zendu dira Bosnian.

2012ko otsaileko elur eta hotz denboralearen kronikari eta lekuko izaten ari dira eitb.com-eko erabiltzaileak. Atzoko egunean, 400 argazki jaso genituen erabiltzaileen atarian, horietatik 300 elurraren ingurukoak. Elurraren bideoak ere, ugariak izan ziren. Gasteizen, Donostian, Bilbon, Oñatin edo Agurainen botatakoak jaso zituzten erabiltzaileek; 26 grabazio kontatzeraino.

Audientzietan ere izan zuen isla erabiltzaileek denboralearekiko duten ardura eta interesa. Hala, eitb.com-eko Eguraldia atalean, egun normal batean den erabiltzaile bakarren kopuruaren halako hamar izan zen atzo.

Txoko guztietako argazki eta bideoak

Makina bat jenderentzat erreferente izan zen atzo eitb.com-en erabiltzaileen ataria. Atertu barik heldu ziren elurraren argazki eta bideoak. Egun arrunt batean 100 bat argazki iristen dira atari honetara; atzo, ordea, 400 bat jaso ziren, 300 bat denboralearenak. Zuriz margotutako paisaiak nonahi erretratatu zituzten erabiltzaileek: Donostia, Tolosa, Zumarraga, Azkoitia edo Ordizia Gipuzkoan; Gasteiz edo Laudio, Araban; Bilbo, Urduña, Zaldibar edo Durangokoak, Bizkaian; baita Nafarroako hainbat herritakoak ere: Iruña, Atarrabia, Etxarri-Aranaz edo Altsasu, kasu. Hendaiatik ere bidali zizkiguten argazkiak!

Oñati, Arrasate, Agurain, Dima, Beasain edo Gasteiz zuri-zuri agertzen ziren irudiak bidali zizkiguten erabiltzaileek bideo euskarrian. Hain ikusgarriak ez izanda ere, Bilbo edo Donostiako elurteak ere jasota geratu ziren. Orotara, 26 bideo heldu ziren erabiltzaileen atarira; egun arrunt batean, batez beste, bost.

Arrakasta honi lagundu dieten guztiei eskerrak eman nahi dizkie eitb.com-ek eta, bide batez, denborale honen argazki eta bideoak bidaltzeko jarraitzeko deia egin nahi die.