Pertsonaia errepikatu du Lady Gagak oraingo honetan. Bideoklip berrian, Jo Calderonez mozorrotu da, artistaren gizonezko alter ego-az.

Born This Way estudioko bigarren albumeko “Yoü and I” abestiaren bideoklipa da. Artista estatubatuarra, bere janzkera bitxiengatik ospetsu egin dena, Jo Calderone rockero siziliar bihurtu berriro. Pertsonaia hori 2010eko uztailean azaldu zen lehen aldiz moda aldizkari batzuetan. MTV telebista kanaleko sari banaketetan ere horrela mozorrotuta agertu zen Gaga.

Artista da bideokliparen sormen zuzendaria eta zuri-beltzean eginda dago. Gaga/Calderone harroputz plantak egiten eta zigarroa erretzen ageri da. Jaka eta praka beltzekin eta kamiseta zuri batekin jantzita, eta poliki-poliki biluztuz doa galtzontzillotan geratu arte.

Bilbao BBK Live 2012ko hiru eguneko bono berezien eskaintza bukatu ostean, uztailaren 12tik 14ra bitartean Bilbon egingo den musika jaialdi honetarako eguneko sarreren salmenta hasi da. Hain zuzen ere, osteguneko eta ostiraleko sarrerak jarri dituzte gaur salgai, 55 euroren truke (+6 euro, banaketa gastuengatik).

Larunbateko kontzertuetarako sarrerak aurrerago egongo dira eskuragarri.

Aurreko asteetan iragarri genizuen bezala, besteak beste, The Cure eta Show Patrol arituko dira uztailaren 12an (osteguna), Kobetamendin, eta Radiohead eta The Kooks, ostiral gauean.

Salmenta tokiak

Sarrerak BBK-ko kutxazainetan, BBK-ren webgunean eta 944 310 310 telefonoan eskuratu daitezke.

Gaurtik igandera bitartean Euskal Herrian egongo diren kontzertuen errepasoa egin dugu Gaztean. Hemen duzue laburpena:

OSTIRALA

Ekaitz Aranberri bakarlariak folk eta rock bertsioz jantziko du Andoaingo Irunberri taberna. Arrasaten, Governors eta Drop! taldeak arituko dira eta Bergaran, The Cherry Boppers. Gipuzkoa aldean baita, aipatu beharra dago, Plan B eta Zimarros taldeek Lasarten joko dutela eta Keu Agirretxeak Tolosako Errota tabernan.

Bizkaian beste bi hitzordu ostiral gauerako: Iberia Sumergidak Heroes del Silencio taldearen bertsioak egingo ditu Bilboko Kafe Antzokian eta Txapelpunkek disko berria aurkeztuko du Lemoan.

Amaitzeko, Ze Esatek! eta Blaka taldeek Gasteizko Jimmy Jazz aretoa bisitatuko dute.

LARUNBATA

Esne Beltzaren kantu berriak Galdakaora iritsiko dira larunbatean eta Polock Ondarroako Kafe Antzokian egongo da. Handik gertu, Markinan, Moby Dick eta Supersweet zuzenekoak ikusteko aukera izango dugu eta Bilboko Kafe Antzokian The Sounds taldea.

Azpeitian Mendetz taldea egongo da, 23:00etatik aurrera, eta azken geldialdia Arabako hiriburuko Helldorado aretoan egingo dugu. Han, The Last Vegas eta Los Frenos taldeen musika entzungo da.

Noel Gallagherrek aitortu duenez, kontzertuetan emakumeek agertokira botatzen dituzten barruko arropa guztiak gordetzen dituen “psikopata” hutsa da. Bilduma bitxia, ezta?

“Trofeoak izango balira bezala gordetzen ditut. Badakizu, emakumezkoen barruko arropak beti dira ongietorriak agertokian”, adierazi du artistak.

Gainera, Sydneyko Enmore Antzokian orain dela gutxi eskainitako kontzertu batean gertatutako pasadizoa kontatu du: “Zera pentsatu nuen, pertsona berarenak izango al dira kulero horiek eta kapela luze hori? Neska hori ezagutu nahi dut eta monokulo bat eskatu. Miresgarria da”.

Oasiseko kide ohia pozik dago taldeak eta lan berriak izaten ari diren harrera ona ikusita. Abestiak “bikainak” dira, baina “jendearen sentimenduak ezin dira aurrez ikusi” ezin daitezkeela esan du. “Pixka bat harrituta nago arrakasta horren aurrean”, gaineratu du Noelek.

Negu honetan egiten ari den hotzarekin ondo eta original janztea zaila da. Irtenbidea ez da erraza; ezinezkoa, askoren iritzian. Ez dago zertan, ordea, erosotasun osoaren eta estetika perfektuaren artean aukeratu beharrik. Bi muturren horien artean aukera asko daude, batzuk erosoagoak eta beste batzuk estetikoki ederragoak; erdibidea aurkitzea da gakoa.

College estiloa ez da zeroz azpiko tenperaturetarako aproposena, baina zure beharretara molda dezakezu. Hoodie edo varsity jertseek, jakak... bero pixka bat emango dizute. Ideia argia da: unibertsitateko look bat, koloreduna baina gehiegikeriarik gabe eta osagarriak (txanoa, poltsa, zapia...) jartzeko aukera asko ematen dituena.

Snaker zapatilak edo botak dira ohikoenak. Prakak (bakeroak, esaterako) botaren barrutik edo tolesdura batekin erabiltzea komeni da.

Look horrek badu abantaila bat: gure aurrekontura edo armairura molda dezakegu (edo gure gustura) erraz asko. Kirol estilora gertura zaitezke bakero klasikoak, jaka eta zapatilak jantzita. Alkandora batekin konbina ditzakezu.

Zerbait dotoreagoaren bila bazabiltza, ordea, jertsea eta alkandora edo poloa jantz ezazu. Tximeleta edo gorbata ere ez dago lekuz kanpo.

Azken batez, unibertsitatera edo lanera joateko look egokia da. Dena den, kalean orduak eman behar badituzu, gabardina jantzi edo prest egon hotzez akabatzeko.

Agindu bezala, gaur argitu ditu Lady Gagak Born This Way aurkezpen birako lehen datak. 110 kontzertu eskainiko ditu eta horietatik hamaika dagoeneko badakigu non eta noiz izango diren.

Apirilaren 27an Hego Korean hasiko du bira, eta Asian eta Australian ibiliko da jarraian. Europa abuztu aldean bisitatuko duela espero dute; Hego Amerika, urte amaieran; eta AEB, 2013an. Dena den, datak baieztatzeko daude oraindik.

Biraren kartela zeresana ematen ari da jada. Gotikoa edo iluna da, beltza du nagusi. Kontzertuetarako ere estetika hori aukeratuko du?

Hemen da Gaztea irratiak antolatutako XXI. Maketa Lehiaketa. Diskoetxe batekin kontraturik ez duten Euskal Herriko talde eta bakarlariak, has zaitezte zuen kantuak bidaltzen! Martxoaren 7ra bitartean jasoko ditugu zuen maketak.
6.000 euro (3.000 dirutan eta 3.000 musika-tresnatan eta ekipamendutan), bideoklip baten grabazioa eta 2012ko Bilbao BBK Live saioan jotzeko aukera daude jokoan Epaimahaiaren Sarirako eta, Entzuleen Sarirako, berriz, 2.000 eurokoa.

Maketa guztiak entzuten eta epaitzen hiru kidez osatutako epaimahaia izango dugu: Aiora Renteria, Zea Mays taldeko kantaria, Fermin Etxegoien kazetari, idazlea eta musika-aditua, eta Pablo Cabeza musika kazetari entzutetsua.

Epaimahaikideek martxoaren 7ra bitartean jasoko ditugun kantu guztiak entzungo dituzte eta aurre-hautaketa bat egingo dute. Martxoaren 13an jakinaraziko ditugu iritsitako kantu guztietatik epaimahaiak zein aukeratuko dituen finalera pasatzeko. Hortik aurrera, botoa emateko epea jarriko dugu martxan, martxoaren 26ra bitartean. Gau horretan, Gaztea irratiko “B Aldea” saioan ezagutuko dugu Entzuleen Sariaren irabazlea nor den, baita bigarren sailkatutako talde edo bakarlariaren izena ere. Gainera, epaimahaiak hautatutako beste hiru talderen izenak ere jakinaraziko ditugu egun horretan eta bost talde horiek kontzertu bat eman beharko dute martxoaren 29an Gazteak hautatutako areto batean.

Areto horretan zuzenean eta jendaurrean defendatu beharko dituzte talde edo artista guztiek Maketa Lehiaketara aurkeztutako kantuak epaimahaikideak bertan direla, eta, hain zuzen ere, taula gaineko emanaldi horretan oinarrituko da epaimahaia saria emateko.

Nola bidali maketak
Talde edo bakarlari bakoitzak 3 kantu bidali beharko ditu. Horretarako, Youtubera igo beharko da kantu bakoitza (aurretik Youtubera igota dauzkazuen bideoen URLak ere bidal daitezke, ez dago berriz igo beharrik). Youtubeko URLa gorde, eta Gaztea atarian (http://www.eitb.com/eu/gaztea/maketa-lehiaketa/) jarritako formularioa bete datu guztiekin (taldearen/artistaren izena, kantuaren izena, herria, ordezkari baten izen-abizenak eta telefonoa) eta sartu Youtubeko URLa. Igotzen den kantu bakoitzeko bete beharko da formulario hori.

Sariak
Epaimahaiaren sariaren irabazleak ondorengoa eskuratuko du: 3.000 euro dirutan* eta 3.000 musika-tresnatan edo musika-ekipamenduan, Gazteak aukeratutako ekoiztetxe batek osatutako bideoklip baten grabazioa eta 2012ko Bilbao BBK Live jaialdian zuzenean jotzeko aukera irabaziko ditu.
Bestalde, Entzuleen saria irabazten duenak 2.000 euro eskuratuko ditu dirutan*.

Gainera, finala “Gaztea Live” saioaren bidez emitituko dugu streamingez Gaztea atarian eta ETB-3n ere izango dugu ikusgai.

*Oharra: Dirusariei lehiaketetan ohikoak diren zergak aplikatuko zaizkie.

Musikari ospetsuak ez dira atzean geratzen Interneteko negozio kontutan. U2ko abeslariak, Bonok, Facebooken akzioen % 1,5 dauka beste hainbat negozioren artean, eta Justin Timberlake MySpacen jabeetako bat da. Orain Lady Gagaren ordua iritsi da. Bere jarraitzaileentzat propio sortu du sare sozial bat.

Little Monsters (muntro txikiak) dauka izena web-orriak, artistaren jarraitzaileen bezala, eta dagoeneko prest dago "munstro txiki" guztiek izena eman eta komunitatea osatzeko. Hala ere, oraindik ez dago erabilgarri.

Egia esan, gaur egun, gehienak sare sozial bat baino gehiagoren parte direnez, ez da ideia txarra Gagarena. Publizitate estrategia paregabea da, gainera; izan ere, zer hoberik haren burua iragartzeko, sare sozial propioa baino?

Gaur eta bihar Gaztea Irratiko "B aldea" saioak hitzordu garrantzitsuak ditu musikarekin.

Xabier Doncelek eta Ainhoa Urretabizkaiak gidatutako saioan  "Azaletik Ssutraira" liburua aurkeztuko dute gaur gauean. 60. hamarkadatik gaur egun arte euskal musikak eman dituen diskoen azalen inguruan arituko dira, beraz, biharko saioan.

Bestalde, biharko "B aldea"-k The Hot Wok taldearen bisita jasoko du. Hain zuzen ere, "Main dish" disko berria aurkeztuko digu talde gasteiztarrak.

Ez galdu "B aldea", astelehentik ostegunera bitartean, 21:00etatik aurrera!

Lady Gagak ama izan nahi du. Duela gutxi egin dioten elkarrizketa batean adierazi duenez, ama izateko garaia iritsi zaio eta gainera oso argi dauka nola eta norekin izango duen haurra. Harrigarria bada ere, abeslari estatubatuarrak ez du bere mutil-lagun berria kontutan izan amatasunaz hitz egiteko orduan.

Taylor Kinneyrekin harreman sendoa duen arren, bere seme-alabentzat aita italiar bat nahi duela adierazi du: "Emaile italiar baten haur bat nahi dut, ahal izanez gero, Siziliarra den gizonen batena", esan du Espainiako irratí kate batean egindako elkarrizketan.

Taylor eta abeslaria ekainean ezagutu ziren bideoklip bat grabatzen ari zirenean. Orduz geroztik, beraien arteko maitasun harremana sendotuz joan da, baina, baliteke kantari ilehoriaren adierazpenek polemika eragitea.