JOKOAN.

Akaba Bera Berak agur esan dio EHF Kopari. Txapelketatik kanpo gelditu da final-zortzirenetan. Sei goleko kontrako aldea ekarri zuen Errusiatik eta ez da buelta emateko gauza izan. Horrela, partida irabazi egin du 35-34, baina ez da nahikoa izan.

Beroiz jaun eta jabe izan da atzeko koadroetan eta aurrekoetan Aimar Olaizola nagusi izan da Berasaluzeren aurrean.

Espainiako Poliziak gizonezko bat atxilotu du Ecijan, Sevillan, lau lapurreta leporatuta. Lapurretak bi supermerkatutan, estanko batean eta banketxe batean egin ditu azken astean. Lapurretan egin ondoren, gizonak barkamena eskatzen zuen, "seme-alaba asko" zituela eta emazte ohiari pentsioa ordaindu behar ziola esanda.

Poliziaren iturriek Eferi jakitera eman diotenez, atxilotuak (M.A.G., 32 urtekoa eta Las Huertas auzoko bizilaguna) ez zuen aurrekaririk.

Lapurrak azken astean egindako lau lapurretak aitortu ditu.

Ihesean, dirua galdu

Lehenengo lapurretan, eta lekukoen arabera, lapurtutako diru gehiena ihesean ateratzekoan jausi zitzaiola esan dute. Horren ondorioz, Poliziak zalantzan jarri zuen lapurraren "profesionaltasuna".

Lapurretetan, gizonak aurpegia eztalita zeraman, eta batzuetan ileordea janzten zuen biktimek ezagutu ez zezaten. Kutxazainak pistolaz mehatxatzen zituen, eta gero barkamena eskatzen zien "seme-alaba asko" zituela esanda.

Manchester Unitedek eta Liverpoolek indarrak neurtu dituzte Old Trafford futbol-zelaian eta partidaren hasieran Evra agurtzeari uki egin dio Luis Suarez uruguaiarrak. Suarezek zortzi partidako zigorra jaso zuen Evrari irain arrazistak egiteagatik.

Unitedeko atzelariak eskua emateko keinua egin zuen, baina Suarezek ez zion behar bezala erantzun. Alex Ferguson Manchester Unitedeko entrenatzailea harrituta agertu da prentsaurrekoan: “Ezin nuen sinetsi. Suarezek lotsagarri uzten du Liverpool”, esan du.

Herritarren talde batek emakumezko bat lintxatu du Indian sorginkeriaren bidez gaixo bat osatzeko gai ez izateagatik. Gertaera Sabrum barrutian izan da, Indiako ekialdean, Poliziako iturri batek Eferi esandakoaren arabera.

Segurtasun indarrek 12 pertsona atxilotu dituzte emakumearen hilketarekin zerikusia dutelakoan. Hildakoak 60 urte sitúen eta Dharamsri zuen izena, Poliziaren arabera.

IANS tokiko albiste agentziak zabaldu duenez, agenteek ostegun gauean aurkitu zuten emakumezkoaren hilotza, basoan. Beste bi emakumezko ere aurkitu zituzten, "sorginaren" laguntzaileak, antza. Bi emakumeak herritarren erasoa jasan zuten eta zauri larriak zituzten.

Hilotza erre

Iturrien arabera, atxilotuetako batek onartu egin du asmoa emakumezkoaren hilotza erretzea zela, baina Polizia agertu zen eta ezin izan zuten pentsatutakoa bete.

Indiako tribuen lurraldeetan (ekialdekoetan, batez ere) gizakien sakrifizioak eta ustez sorginkerietan dabiltzan emakumezkoen lintxamenduak noizean behin egiten dira, zenbait gobernuk horren kontrako kanpainak egin arren.

Marcel Granollers eta Marc Lopez bikoteak Espainiari sailkapena emateko azken puntua lortu du. Horrela, Espainia Davis Kopako final-laurdenetara sailkatu da. Espainiako bi tenislariak hiru setetan nagusitu dira (6-2, 6-3 eta 6-1). Hirugarren neurketa honek ordubete eta 45 minutuko iraupena izan du. Yuriy Schukin eta Evgeny Korolev Kazakhstango bikoteak ez du aukerarik izan.

Bakearen Aldeko Koordinakundeak azken manifestazioa egin du Bilbon, "Lortu dugu" lelopean. ETAren indarkeriaren amaiera ospatzeko. Martxa Bilboko Bihotz Sakratuaren plazatik abiatu da, 17:30ean.

Patxi Lopez lehendakaria manifestazioan izan da Rodolfo Ares eta Idoia Mendia sailburuekin batera. EAJ, PSE, PP, EA, EB, IU eta Geroa Bai alderdietako ordezkariak ere bat egin dute Bakearen Aldeko Koordinakundearen manifestazioan, eta UPyDk bertara joan ala ez erabakitzeko askatasuna eman die militanteei.

Zehaz mehatz, EAJ aldertitik, Iñaki Anasagasti, Iñigo Iturrate eta Izaskun Bilbao joan dira. Sozialisten kasuan, Odon Elorza izan da, eta PPko Iñaki Oyarzabal eta Borja Semper ere Bilbora joateko asmoa zuten.

Uxue Barkos ere manifestazioan egon da, baita EB-Berdeak alderdiko Jose Navas eta Ezker Anitza-IUko Mikel Arana ere.

Patxi Lopez: "Elkarbizitza eta elkartasuna"

Patxi Lopez lehendakariak ezker abertzalearen falta deitoratu du Bakearen Aldeko Koordinakundeak ETAren indarkeriaren amaiera ospatzeko egindako manifestazioan. Lehendakariaren ustez, ezker abertzalea bertan egoteak "elkarbizitza eta diskidetasuna"ren bidean "urrats" garrantzitsua izan zitekeen.

Manifestazioaren atarian, martxak leloaren esanahia (Lortu dugu) oso-osorik betetzen duela esan du euskal Exekutiboko presidenteak, izan ere, "totalitarismoarekin eta ETAren terrorismoarekin amaitzea" lortu da, eta horrek "izugarrizko garrantzia du".

Philippe Montanier Realeko prestatzaileak Sevillari begirunea erakutsi dio, baina era berean, Andaluziako taldearentzat norgehiagoka zaila izango dela ohartarazi du.

NBAk badauka izar berri bat; Jeremy Lin deitzen da eta New York Knicksen jokatzen du. Bart Lakersen aurka erakustaldia eman zuen Madison Square Gardenean eta Kobe Bryanti buruz buruko lehia irabazi zion.

Linek 23 urte ditu eta 38 puntu sartu zituen Lakersen aurkako partidan. Hilabete bikaina darama Jeremy Linek, partida bikainak burutuz eta dagoeneko bera da taldeko eta NBAko izar berria.

Abenduan Golden State Warriorsek bajan eman zuen bere fitxa eta ondoren gauza bera egin zuen Rocektsek. Knickesek hartu eta lesioak betetzeko minutu batzuk eman zizkion. Erabakia ondo atera zaie eta Lin sentsazio berria da saskibaloiko munduko liga onenan.

Fitxa teknikoa:

92 - New York Knicks (22+27+17+26): Lin (6), Fields (38), Chandler (9), Jeffries (11) Walker (7) –hasierako bostekoa-, Bibby (-), Novak (9) eta Shumpert (12).

85 - Los Angeles Lakers (15+26+19+25): Fisher (6), Bryant (34), Bynum (3), Peace (-), Gasol (16) –hasierako bostekoa-, Murphy (3), Barnes (11), Kapono (3), Blake (6), McRoberts (-) eta Goudelock (3).

Epaileak: Nick Buchert, Ron Garretson eta Pat Fraher.