Astelehen honetan iragarri dituzte Eskuz Binakako Txapelketako 9. jardunaldiko partiden ordutegiak. Otsailaren 18an, larunbatean, Xalak eta Laskurainek Martínez de Irujoren eta Barriolaren aurka jokatuko dute, Iruñean (17:15).

Igandean, Berasaluze VIII-Albisu Bengoetxea VI-Apraiz norgehiagoka izango da, Eibarren (17:00). Astelehenean, Tolosan (16:30), Titín III-Merino II Aritza Lasa-Pascual partida jokatuko dute.

Azkenik, liderren txanda asteartean izango da, Tolosan (16:30). Olaizola II-Beroiz Arretxe II-Begino norgehiagoka izango da.

Binakako Txapelketa oso parekatua dago. Zortzi jardunaldi jokatu direnean, sailkapen nagusiak lider argia dauka. Olaizola II.ak eta Beroizek partida guztiak irabazi dituzte eta lidergoan dira, merezita.

Juan Martinez de Irujo-Abel Barriola eta Titin-Merino II bikoteak berdinduta daude bigarren postuan bost garaipenekin. Lau punturekin hiru bikote daude: Berasaluze VIII-Albisu, Xala-Laskurain eta Bengoetxea IV.a eta Apraiz. Lasa eta Zubieta bikoteak bi garaipena baino ez dituzte lortu eta Arretxe II.ak eta Beginok ez dute oraingoz garaipenik eskuratu. Finalerdietako ligaxkarako txartela oso garesti dago.

Hasieratik nagusi izan ziren Oinatz eta Alexis Tafallako frontoian. Abantaila onak hartu zituzten hasieratik, 9-3 eta 16-10. Arretxerentzat eta Beginorentzat desabantaila handiegia izan zen eta 22-12ko emaitzarekin bukatu zen norgehiagoka.

Partida hasieran Irujo eta Barriola ibili dira agintzen (1-5), baina Titinek eta Merinok erreakzionatu eta partida berdintzea lortu dute (7-7). Ondoren, Juanek eta Irujok berriro ihes egin dute markagailuan (9-13), baina Titinek eta Marinok bigarrenez partida berdintzea lortu zuten (13-13). Berdinketa batzuk gainditu ondoren (14-14, 15-15, 16-16) Titin eta Merino jarri dira aurretik markagailuan (20-17). Irujo eta Barriola saiatu dira partida luzatzen, baina ezin izan dute garaipena lortu. Azkenean, Titin III-Merino II bikotea atera da irabazle.

Beroiz jaun eta jabe izan da atzeko koadroetan eta aurrekoetan Aimar Olaizola nagusi izan da Berasaluzeren aurrean.

Xalak eta Laskurainek Aritz Lasa eta Zubieta bikotea gainditu dute Urretxuko Ederrena pilotalekuan. Gorriek laugarren garaipena lortu dute Binakako Txapelketan eta lehian erabat sartu dira. Lasak eta Zubietak, ordea, mirari bat behar dute finalerdietarako txartela lortzeko.

Ez da partida ona izan, baina emozioa eta tentsioa izan da nagusia. Xalak eta Laskurainek landutako garaipena eskuratu dute.

Yves Xalak eta Aritz Laskurainek Binakako Txapelketa laugarren garaipena bilatuko dute Aritz Lasaren eta Aitor Zubietaren aurka Urretxun. Bi bikoteek jokatutako aurreneko norgehiagokan ezustekoa eman zuten Lasak eta Zubietak garaipena lortuta, baina Xalak eta Laskurainek sentzazio onak berreskuratu dituzte eta bolada onean helduko dira.

Partida ETB1-en eta eitb.com-en zuzenean jarraitu ahal izango da gaur 22:00etatik aurrera.

Zortzigarren jardunaldiko ordutegiak eta pilotalekuak Binakako Txapelketan:

Ostiralean Urretxun (22:00 zuzenean eitb.com-en eta ETB1-en): Xala-Laskurain / Lasa-Zubieta.
Larunbatean Bartzelonan (17:15): Berasaluze VIII-Albisu / Olaizola II-Beroiz.
Larunbatean Tafallan (19:30): Bengoetxea VI-Apraiz / Arretxe II-Begino.
Igandean Bilbon (17:00 zuzenean eitb.com-en eta ETB1-en): Titin III-Merino II / Mtz de Irujo-Barriola.

Titinek jarri du partidako erritmoa, bere gustura jokatu da eta aurreko koadroetan nagusi izan da Arretxeren aurrean. Merino I.ak ondo eutsi du atzealdean eta laguntza ona eman dio bere bikoteari.

Erraz hartu dute gorriek aurrea markagailuan, baina Oinatz eta Alexis suspertu dira eta hurbiltzea lortu dute. Xalak sustoa eman du buruan Laskurain bere taldekidearen pilotakada jasota eta atsedentxo bat hartu ostean arazorik gabe jarraitu ahal izan du. Azkenean, 22-12.