Tom Boonen belgikarrak (Omega Pharma) 'Basamortuko Errege' izatea lortu du berriro laugarren adiz Qatarreko itzulia irabazita. Seigarren etapak Sealine Beach eta Doha Corniche lotu ditu (120 kilometro). Arnaud Demare (Francaise) frantziarrak lortu du garaipena azken etapa horretan. Juan Antono Flechak (Sky) podiumeko hirugarren tokia eskuratu du.

31 urteko Boonen denboraldi hasiera bikaina egiten ari da. Dagoeneko hiru etapa irabazi ditu sprintean, horietako bat San Luiseko Tourrean. Gainera, Qatarreko lasterketan garaipena lortu du berriro, izan ere, laugarrena du. 20 etapa eskuratu ditu basamortuko proban.

Sailkapen orokorra:

.1. Tom Boonen (BEL) Omega Pharma 15h.42.14
.2. Tyler Farrar (AEB) Garmin a 28
.3. Juan Antonio Flecha (ESP) Sky a 33
.4. Gert Steegmans (BEL) Omega Pharma a 34
.5. Tom Veelers (HOL) Project 1t4i a 1.00
.6. Mark Cavendish (BH) Sky a 1.05
.7. Fabian Cancellara (SUI) RadioShack a 1.06
.8. Ramunas Navardauskas (LIT) Garmin a 1.09
.9. Aidis Kruopis (LIT) GreenEdge a 1.10
10. Adam Blythe (BH) BMC a 1.14.

Euskaltel-Euskadik talde sendoarekin jokatuko du Andaluziako Itzulia. Espainiako hegoaldean korrituko den itzulia otsailaren 19tik 23ra jokatuko da eta talde laranjak 2012ko aurreneko garaipena bilatuko du. Horretarako Gorka Gerrikagoitiak talde indartsua osatu du Samuel Sanchez eta Igor Anton laguntzeko.

Taldeko liderrak ondo babestuta izango dira errepidean, Egoi Martinez, Mikel Landa, Juanjo Oroz, Pablo Urtasun eta Gorka Verdugo izango baitira taldekideak.

Andaluziako Itzulian 16 talde arituko dira eta goi mailako txirrindulariek garaipena borrokatuko dute. Alejandro Valverde, Oscar Freire, Denis Menchov, Jurgen Van der Broeck, Samuel Sanchez, Igor Anton, Bauke Mollema edo Frank Schleck dira faborito nagusiak.

Itzuliko hamasei taldeak, Euskaltel-Euskadi, Katusha, Lotto-Belisol, Movistar Team, Rabobank, RadioShack-Nissan eta Vacansoleil (ProTeams), Accent Jobs-Willems-Veranda's, Andalucia, Caja Rural, Cofidis, NetApp, Project 1t4i, Saur-Sojasun eta Spidertech (Profesional Continental) eta NSP-Ghost (Continental), izango dira.

Kirol Arbitrajeko Tribunalak (TAS) erruduntzat jo du Jan Ullrich txirrindulari alemaniarra Puerto Operazioaren barruan burututako doping kasuagatik. 2011ko abuztuaren 22tik hasiko da kontatzen zigorra.

TASek ezeztatu egin zuen UCIk (Txirrindularien Nazioarteko Elkarteak) egindako eskaera. UCIk Ullrichi bizitza osorako lizentzia kentzea eskatu zuen, baina azkenean ez da horrela izan. Doping kasua, anfetaminak kontsumitzeagatik izan zen beti ere lehiaketatik kanpo.

Riisek argi utzi du txirrindulariak ez duela SaxoBanken jarraituko zigorra bete arte UCIk ez duelako baimentzen. Hau da, abuztuaren 6an beteko du zigorra Contadorrek eta orduan itzuliko da taldera.

Contadorrek adierazpen hauekin eman dio hasiera prentsaurrekoari: "Ez nago ados eta oso nahigabetuta nago TASek hartutako erabakiarekin".

"Txirrindularitzan jarraituko dut bete-betean. Kirol hau praktikatzen jarraituko dut era garbi baten, bizitza guztian zehar egin dudan bezala. Gaur egun nire egoera eta animoak onenak ez diren arren, honek indartsuago egingo nau etorkizunean", gaineratu du.

"Urte eta erdi hau oso gogorra izan da niretzat, ez diot inori horrelakorik opa. Baina are gogorragoa izan da nire familiak bizi izan duen mina eta sufrimendua", esan du Pintoko txirrindulariak.

"Erabaki honek argi uzten du ez naizela dopatu", gaineratu zuen Contadorrek. "Nire abokatuak kasua begiratzen ari dira eta azkeneraino borrokatuko dugu. Nik azkenera arte borrokatzeko esan diet", adierazi zuen Alberto Contadorrek.

Nordhaugek hiru ordu, 55 minutu eta 27 segundo behar izan ditu etapa burutzeko. Rui Costa (Movistar) izan zen bigarren irabazlearengandik 26 segundora eta Luis Henao (Sky) izan zen hirugarren 28 segundora.

Etapako sailkapena:

.1. Lars Petter Nordhaug (NOR) Sky Pro Cycling 3.55:27
.2. Rui Costa (POR) Movistar + 26”
.3. Luis Henao (COL) Sky Pro Cycling + 28"
.4. Jakob Fulsang (DEN) RadioSchak-Nissan + 35"
.5. Tiago Machado (POR) Radioschak-Nissan + 57"

Alberto Contador txirrindulariak prentsaurrekoa eskainiko du gaur 19:30etik aurrera (zuzenean eitb.com-en). Espainiarrari bi urteko zigorra ezartzea erabaki du TAS-ek eta hedabideen aurrean horren inguruko iritzia emango du. Ondoan Bjarne Riis izango du, Saxo Bankeko zuzendaria.

“Erabakia ez da, noski, guk espero genuena, baina prozesua eta dokumentazioa aztertzen ari dira gure arduradunak", esan du Riisek.

Palma Sariko garaileak, Andrew Fennek, irabazi du Migjorn Saria esprintean Alexander Porsev (Katusha) eta Matteo Pelucchi (Europcar) gaindituta. Omega Pharma-Quick Step taldeko txirrindulariak Mallorcako Challengeko bigarren garaipena eskuratu du sasoi onean dagoela erakutsita.

Euskaltel-Euskadi taldeko txirrindulariek ihesaldian helmugara heltzen saiatu dira azken kilometroetan erasoak eginda, baina Mikel Astarlozaren eta Gorka Izagirreren saiakerak tropelak bertan behera utzi ditu.

Sailkapena:

1. Andrew Fenn (Omega Pharma-Quick Step)
2. Alexander Porsev (Katusha)
3. Matteo Pelucchi (Europcar)
4. Manuel Cardoso (Caja Rural)
5. Edvald Boasson Hagen (Sky)
6. Joeri Havik (De Rijke)
7. Jonathan Cantwell (Saxo Bank)
8. Jon Aberasturi (Orbea)
9. J. Joaquin Rojas (Movistar Team)
10. Alexei Tsatevich (Katusha)
11. Daniel Bennati (RadioShack-Nissan)
12. Vicente Reynes (Lotto-Belisol)
13. Frederique Robert (Lotto-Belisol)
14. Jonas Jorgensen (Saxo Bank)
15. Alexander Blain (Endura)

Ezustekoa izan da Andy Schleckentzat TAS-ek hartutako erabakia eta horregaitik “Contadorregatik triste” dagoela adierazi du. “Bere errugabetasunean sinistu” izan duela azpimarratu du Radioshack taldeko liderrak.

“Txirrindularitzarentzat egun tristea da eta atera dezakegun gauza postibo bakarra 566 egunen ostean erabakia hartu dela da. Azkenean aurrera egin dezakegu” azaldu du Andy Schleckek.

Eddy Merckx Belgikako txirrindulari mitikoak zigorrarekin desadostasuna azaldu du "norbaitek txirrindularitzaren heriotza" nahi duela adierazita. "TAS-en erabakia sinestezina da, haserretzeko modukoa da. Ez naiz gai hautean aditua, baina ezustekoa izan da. Triste nago txirrindularitzarentzat oso kaltegarria baita erabakia. Garbitasuna ehuneko ehunean bilatzea bada helburua txirrindulari guztiek emango lukete postibo", adierazi du Merckxek.

Zigorraren erabakiarekin Pedro Delgado ere harritu egin da. "Dopingaren aurkako borrokan iparra galtzen ari dira" azaldu du Segoviako txirrindulari ohiak. "Kirolak arazo bat du, baina ez kirolariekin, alegia kirolaren gainetik protagonismoa nahi duten erakundeekin" adierazi du 1988ko Frantziako Tourreko garaileak.

Alberto Contadorren lagunak, Carlos Sastrek, "zigorrak ez du zentzurik" eta "ulertezina" dela adierazi du. "Frogak badaude eta dopatu delaren ziurtasuna badago zigorra zuzenea da, baina ezin daiteke zigortu froga argirik gabe", adierazi du Avilako txirrindulariak.

Espainiako txirrindularitzako selekzioko entrenatzaileak, Jose Luis de Santosek Alberto Contadorren errugabetasunean konfiantza duela onartu du. "Contadorrentzat kaltea izugarria da, baina batez ere Espainiako txirrindularitzarentzat kaltegarria da, Contador itzuli handietan gure txirrindulari erreferentea baita", azaldu du selekzionatzaileak.

Kirol Arbitrajeko Epaitegiak, TASek, bi urteko zigorra ezarri dio Alberto Contador txirrindulariari. Espainiarrak clenbuterolekin positibo eman zuen 2010eko Frantziako Tourrean. Aldi berean, urte horretan irabazitako Tourra eta 2011ko Giroa kendu dizkio epaitegiak.

Gauzak horrela, Pintoak ezin izango du Londreseko Olinpiar Jokoetan eta aurtengo Tourrean parte hartu. Abuztuaren 6tik aurrera berriro korritu ahal izango du (zigorrak atzeraeraginezko izaera dauka) eta prest egongo litzateke Espainiako Vueltan lehiatzeko.

Contadorren auzia duela urte eta erdi hasi zen eta epaia gaur ezagutu dugu. AMAk (Dopinaren Aurkako Munduko Agentzia) eta UCIk Espainiako Txirrindularitza Federazioaren absoluzioaren aurkako helegitea aurkeztu zuten. TASen erabakia hauxe da baina dopina frogatuta ez dagoela aitortu du.