Angulemako Nazioarteko Komiki Azokaren 39. edizioak bere ateak ireki ditu Art Spiegelman Pulitzer sariaren eskutik. Epaimahaiko presidentea izango da egunotan eta Espainiako komikiek erakuslehio berezia izango dute.

200.000 lagun espero dituzte eta Europar Batasuneko zein Suediako komikien inguruko sail bat izango da, eta baita Taiwaneko artisten lanen ingurukoa ere. Juanjo Guarnido, Kim, Marc-Antoine Mathieu, Craig Thomson, Frederik Peeters o Charles Burns eta Joe Sacco egileak izango dira.

Spiegelmanek bere lanaren inguruko atzerabegirakoa eskainiko du eta publikoarekin topaketa bat izango da. Antolatzaileen arabera, Estatu Batuetan XX. mendeko bigarren erdian egindako komikigintzaren erakusle da, antolatzaileen arabera. "Maus" eleberri grafikoaren egilearen atzerabegirakoa izango da. Kasu honetan, "Metamaus" lana aurkeztuko du.

Jose Luis Alvarez Enparantza 'Txillardegi' idazle, hizkuntzalari eta politikariaren hilotza erraustu dute dagoeneko. Jende andana bildu da Donostiako Errekalde beilatokian honi azken agurra eskaintzeko. Horrela, kultur alorraren ordezkaritza bat izan da bertan, Blanca Urgell Kultura sailburua, hain zuzen ere. Urgellek 'Txillardegi'k euskal literaturari eta hizkuntzari egindako ekarpena azpimarratu du, euskara batuaren sorkuntzari egindakoa bereziki.

Politikariei dagokionez, Patxi Zabaleta, Tasio Erkizia, Ikerne Badiola eta Rebeka Ubera izan dira bertan eta baita kultura munduko hainbat eragile (Andres Urrutia, Xabier Mendiguren, Juan Mari Irigoien eta Aizpea Goenaga). Guztiek nabarmendu dutenez, Euskadi "asko" zor dio 'Txillardegi'ri.

Elizkizuna egingo ez dioten arren, senitartekoek agurra emateko ekitaldi bat egingo dute datorren astean. Halaber, ezker abertzaleak omenaldi bat prestatu du datorren urtarrilaren 29an Kursaalen.