Euskal Telebistaren lehen kaetak Areatzarekin bat egingo du ostiral gauean bertan izango den nazioarteko boxeo saioa emateko. Pisu ertainetan Israel Carrillo eta Oliver Thinda izango dira aurrez-aurre eta pisu arinetan, berriz, Nacho Mendoza eta Pedro Verdú . Komentarioak Pedro Mari Goikoetxeak eta Manu Maritxalarrek egingo dituzte.

Aurretik, 22:20etan hasita, Lesakako pelota jaialdia emango dute. Bi partida eskainiko dituzte. Bigarren mailako lau t’erdian Cabrerizok eta Olaetxeak neurtuko dituzte indarrak eta eskuz binakakoan Gonzalez-Arrutik eta Larralde-Laskurainek. Xabier Euzkitzek eta Josean Tolosak emango dituzte xehetasun guztiak.